රෂිකා හෙන්නායක ඔක්තෝබර් 13, කොළඹ (LNW):
2024 වසරේ ගතවූ කාලය තුළ ඩෙංගු රෝගීන් 40,494 දෙනෙකු වාර්තාවී ඇති බව සඳහන් වේ.
පවතින වැසි සහිත කාලගුණයත් සමග මේ තත්ත්වය තවදුරටත් වර්ධනය විය හැකි බවයි වසංගත රෝග විද්‍යා ආයතනය පවසන්නේ.
ඉන් වැඩිම රෝගීන් සංඛ්‍යාවක් බස්නාහිර පළාතෙන් වාර්තාවන අතර, එම සංඛ්‍යාව 17,159කි.
එහිදි කොළඹ දිස්ත්‍රික්කයෙන් පමණක් ඩෙංගු රෝගීන් 10,150 දෙනෙකු වාර්තා වී තිබෙන බව පැවසේ.
2024 වසරේ මේ දක්වා කාලය තුළ ඩෙංගු හේතුවෙන් පුද්ගලයින් 20 දෙනෙකු ද ජීවිතක්ෂයට පත්ව ඇති බව සෞඛ්‍ය අමාත්‍යාංශය වැඩිදුරටත් සඳහන් කළේය.
