රාජ්ය අමාත්ය සනත් නිශාන්ත මහතාව අත් අඩංගුවට ගෙන අධිකරණයට ඉදිරිපත් කරන ලෙස අභියාචනාධිකරණය විසින් වරෙන්තුවක් නිකුත් කර තිබේ.
ඒ, අධිකරණයට අපහාස කිරීම සම්බන්ධයෙන් ඒ මහතාට එරෙහිව ගොනුකර ඇති පෙත්සම් දෙකට අදාළව අද (13) දිනයේ අභියාචනාධිකරණය හමුවේ පෙනී සිටින ලෙස නොතීසි නිකුත් කර තිබුණත් එම නඩුව අද පෙරවරුවේ කැඳවූ අවස්ථාවේ ඒ මහතා අධිකරණය හමුවේ පෙනී නොසිටීම හේතුවෙනි.
ඒ අනුව නිශ්ශංක බන්දුල කරුණාරත්න සහ ආර්. ගුරුසිංහ යන අභියාචනාධිකරණ විනිසුරු මඬුල්ල විසින් පොලිස්පතිවරයා වෙත මෙම වරෙන්තුව නිකුත් කළ අතර පෙත්සම් නොවැම්බර් 10 වනදා යළි කැඳවීමටත් නියම කළේය.
කෙසේවෙතත් පෙත්සම් විභාගය අවසන් වූ පසුව යම් වේලාවකට පසු සනත් නිශාන්ත මහතා අධිකරණයට පැමිණ ඇති බවත් වාර්තා විය.
RN
