රෂිකා හෙන්නායක ඔක්තෝබර් 16, කොළඹ LNW :
රුපියල් මිලියන 2,470ක බදු මුදලක් රැස් කරමින්,ඊයේ (15) දිනයේදී ශ්‍රී ලංකා රේගුව ඉතිහාසයේ එක් දිනක් තුළ එකතු කළ ඉහළම ආදායම වාර්තා කර තිබේ.
2025 වසරේ මේ දක්වා කාලය තුළ රුපියල් බිලියන 1,867ක ආදායමක් රැස් කිරීමට රේගුව සමත් වී ඇති අතර, මේ වසර සඳහා රේගුවට රුපියල් බිලියන 2,115ක ආදායම් ඉලක්කයක් ලබා දී ඇති අතර එම මුදල පහසුවෙන් ඉක්මවීමට හැකිවනු ඇති බව රේගු අධ්‍යක්ෂ ජනරාල්වරයා පවසයි.
