සපුගස්කන්ද තෙල් පිරිපහදුවේ වැඩ කටයුතු යළි ආරම්භ කිරීම සඳහා තවත් යම් කාලයක් ගතවනු ඇති බව බලශක්ති අමාත්‍ය කංචන විජේසේකර මහතා පවසයි.
“අපට එළියේ තියෙන බොරතෙල් නෞකාව ලබාගත්තාට පස්සේත් අපට කෙටිකාලයක් ඉන්න වෙයි පිරිපහදුව ක්‍රියාත්මක කරන්න. මොකද දෙවැනි නෞකාවක් නැතුව එක නෞකාවකින් විතරක් ක්‍රියාත්මක කරලා වැඩක් නෑ. ඒ නිසා දෙවැනි නෞකාව සඳහා ටෙන්ඩර්වලින් අපි දැන් දීලා තියෙනවා. ටෙන්ඩර්වලට දැන් ඉදිරිපත් වෙලා තියෙනවා මේ අවසාන කාලයේ කීපදෙනෙක්. පහුගිය කාලේ ඉදිරිපත් නොවුණත් දැන් ඉදිරිපත් වෙන කට්ටියට අපි ඒ අවස්ථාව දීලා තියෙනවා. ඒ වගේම ගෙවීමේ හැකියාව මත තමයි අපට ඒ ටෙන්ඩර් වුණත් ලබාදෙන්න පුළුවන් වෙන්නෙ. මම ගිය සතියෙ ප්‍රගති සමාලෝචන රැස්වීමක් තිබ්බාම ඒ පිරිපහදුවේ කට්ටිය කිව්වෙත් පිරිපහදුවට බොරතෙල් ගේන පරිශ්‍රයේ නඩත්තු කටයුත්තක් තියෙනවා, ඒකට මාසයක් විතර යනවා කියලා. ඒක යෝජනා වෙලා තිබුණෙ දෙසැම්බර් ඉඳලා ජනවාරි වෙනකල් කරන්න. නමුත් මම කිව්වා මේ කාලෙ වහලා තියෙන නිසා ඒක දැන්මම කරන්න, මාසයක් ඇතුළත අවසන් කරන්න කියලා. ඒ නිසා මේ කාලය අපි පාවිච්චි කරනවා ඒ කටයුත්තට”
අමාත්‍ය කංචන විජේසේකර මහතා මේ බව පැවසුවේ ඊයේ (15) පැවති මාධ්‍ය හමුවක් අමතමිනි.
RN
