නිශ්මං රණසිංහ ඔක්තෝබර් 23, කොළඹ LNW:
ICC පිරිමි T20 2026 ලෝක කුසලාන තරගාවලිය සඳහා හොඳින් සූදානම් වීමේ පුළුල් අවශ්‍යතාව මත ශ්‍රී ලංකාවේ ක්‍රීඩාංගණ තුනක පහසුකම් උසස් කිරීම සහ වැඩි දියුණු කිරීම සඳහා කටයුතු සිඳුවෙමින් පවතින බවත්, 2025 ICC කාන්තා ක්‍රිකට් ලෝක කුසලානයේ තරඟ 11 ක් පැවැත්වීම සඳහා ප්‍රතිසංස්කරණ කටයුතු තාවකාලිකව නවතා දැමූ ස්ථාන තුනෙන් එකක් වන කොළඹ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගනය (RPICS) එහි නියමිත ක්‍රීඩා අවසන් වූ වහාම සංවර්ධනය නැවත ආරම්භ කරනු ඇති බවත් පෙන්වා දෙන ශ්‍රී ලංකා ක්‍රිකට්,ඊට අදාළ කාරණා පාදක කර ගනිමින් මුලින් සැලසුම් කළ පරිදි 2025 ලංකා ප්‍රිමියර් ලීග් (LPL) තරගාවලිය මෙම වසරේ නොපැවැත්වෙන බව නිවේදනය කර තිබෙනවා.
ජාත්‍යන්තර ක්‍රිකට් කවුන්සිලයේ (ICC) මාර්ගෝපදේශයන්ට අනුව, ඉදිරියේදී පැවැත්වීමට නියමිත කණ්ඩායම් 20 ක ඉසව්ව සඳහා සියලුම සත්කාරක ස්ථාන ප්‍රධාන ජාත්‍යන්තර තරඟයක ඉල්ලීම් සපුරාලීම සඳහා පරිපූර්ණ තත්ත්වයේ තිබිය යුතුය.
ඒ අනුව, ලෝක කුසලානයට පෙර පුළුල් ස්ථාන සූදානම සහතික කිරීම කෙරෙහි පූර්ණ අවධානය යොමු කරමින්, 2025 ලංකා ප්‍රිමියර් ලීග් තරගාවලිය වඩාත් සුදුසු ස්ථානයකට මාරු කිරීමට ශ්‍රී ලංකා ක්‍රිකට් ආයතනය තීරණය කර ඇත.
මෙම තීරණය හරහා රට තුළ සාර්ථක තරගාවලියක් පැවැත්වීම සඳහා වන බිම් යටිතල පහසුකම් වැඩිදියුණු කිරීම සහ උසස් කිරීම සඳහා කටයුතු කිරීමට ප්‍රමාණවත් කාලයක් ලබා ගැනීමට හැකිවනු ඇතැයි ශ්‍රී ලංකා ක්‍රිකට් ආයතනය විශ්වාස කරන අතර ඔවුන්ගේ බලාපොරොත්තු වන අරමුණු ලෙස පහත දක්වා ඇති කරුණු ප්‍රකාශයට පත් කර තිබෙනවා.
- ප්‍රේක්ෂක කුටි වැඩි දියුණු කිරීම සහ උසස් කිරීම.
- ක්‍රීඩකයින් සඳහා පහසුකම් වැඩිදියුණු කිරීම සහ නවීකරණය කිරීම, නේපත්‍යාගාර සහ පුහුණු ප්‍රදේශ ඇතුළුව
- ජාත්‍යන්තර විකාශන පහසුකම් වැඩිදියුණු කිරීම සහ ප්‍රතිසංස්කරණය කිරීම.
- ගෝලීය මාධ්‍ය ආවරණයේ අවශ්‍යතා සපුරාලීම සඳහා මාධ්‍ය මධ්‍යස්ථාන යටිතල පහසුකම් වැඩිදියුණු කිරීම.
- එවැනි බහු-ජාතික සිදුවීමක් සඳහා සාමාන්‍ය ස්ථාන අවශ්‍යතා වැඩිදියුණු කිරීම.
