සටහන: සශිකලා මධුෂාණි
ඔක්තෝබර් 25; ලෝකය(අවුට්බවුන්ඩ් ටුඩේ) : පාකිස්තාන හිටපු අගමැති ඉම්රාන් ඛාන්ගේ බිරිඳ බුෂ්රා බීබී සිරෙන් නිදහස් කර ඇති බව වාර්තා වේ.
ඊයේ(24)දිනයේදී ඇය රාවල්පින්ඩි හි අඩියාලා බන්ධනාගාරයේ සිට විශාල රථ පෙළකින් පැමිණි අතර ඉස්ලාමාබාද් නගරයට ආසන්නයේ පිහිටි බානි ගාලා මන්දිරයෙන් පිටත සිය ගණනක් ජනයා රැස්ව අයව පිළිගෙන තිබිණි.
පසුගිය ජනවාරි මාසයේදී රාජ්‍ය භාණ්ඩාගාරයෙන් ලැබුණු රුපියල් මිලියන 140 (ඩොලර් 501,000) කට වඩා වටිනා රාජ්‍ය ත්‍යාග නීති විරෝධී ලෙස විකිණීම සම්බන්ධ නඩුවකට වරදකරු වූ බුෂ්රා බීබී හා ඉම්රාන් ඛාන් හට වසර 14ක් සිර දඬුවම් නියම කෙරිණ.
ඉන් අනතුරුව ඔවුන්ගේ විවාහයේ නීත්‍යානුකූලභාවය ප්‍රශ්න කිරීමේ නඩුවකදී ද මෙම යුවළ වෙන වෙනම ද වරදකරුවන් විය.
ඉම්රාන් ඛාන් සිරෙන් නිදහස් කර ගැනීම සංකීර්ණ කරුණක් වන අතර ඛාන් 2022 අප්‍රේල් මාසයේදී විශ්වාසභංගයකින් ඉවත් කිරීමෙන් පසු දූෂණය, ප්‍රචණ්ඩත්වය ඇවිස්සීම, දේශද්‍රෝහීත්වය සහ රාජ්‍ය රහස් කාන්දු කිරීම ඇතුළු නඩු 150 කට වැඩි ගණනකට මුහුණ දී සිටියි.
