කොළඹ LNW:අප රටේ යම් කොටසක් රටේ ජනතාවගේ දුක් ගිනි නිවන යුගය ජනතා විමුක්ති පෙරමුණේ ජනාධිපතිවරයාගෙන් ලැබෙයි කියා සිතුවත් මේ රජය ජනතා දුක් ගිනිනිවනවා වෙනුවට ජනතාවගේ ජන ජීවිතය තුළ නවතම දුක් ගින්නක් ඇති කර ඇති බව සමඟි ජන සන්ධානයේ නායක සජිත් ප්‍රේමදාස මහතා පැවසුවේය.
නැවත වරක් රටේ අත්‍යාවශ්‍ය ආහාරවල මිල ඉහළ ගොස් ඇති බවත් ජනතාවගේ ආදායම් මාර්ග කුඩා වී රජයේ දුර්වලතාව තුළ වියදම් වැඩි වී ඇති බවයි ප්‍රේමදාස මහතා සඳහන් කළේ.
ජනතාව තුන් වේල කන්නේ අමාරුවෙන් වුවත් අද වන විට පොල් පෝලිමක් පවා නිර්මාණය වී ඇති බවත් ජනතාව මෙය අපේක්ෂා නොකළ බවත් ජනතාවගේ දුක්ගිනි වැඩිකරන මේ යුගය අවසන් කර සමගි ජන බලවේග ආණ්ඩුවක් බිහි කිරීමට එක්වන ලෙස හෙතෙම ප්‍රකාශ කළේය.
ගෑස් ටැංකියෙන් ඉදිරිපත් වු අපේක්ෂකයා මහමැතිවරණය ලැයිස්තුවේ හෝ ජාතික ලැයිස්තුවේවත් නොමැත බවත් ඔහුට ජන්දය දුන් ජනතාව අනාථ වී ඇති නිසා ඒ අයට සමගි ජන බලවේගය සමග අත්වැල් බැද ගන්නා ලෙසද ප්‍රේමදාස මහතා ඉල්ලා සිටියේය.
සජිත් ප්‍රේමදාස මහතා මේ බව කියා සිටියේ මැද කොළඹ ආසනයේ පැවැති ජන හමුවකට එක්වෙමිනි.
ආශිකා බ්‍රාහ්මණ
