මාතර තිහගොඩ ප්‍රදේශයේදී පොලිස් නිලධාරියකු අතින් පාසල් සිසුවෙකුට වෙඩි වැදීම නිසා ඊයේ (28) උණුසුම් තත්වයක් උද්ගත වී තිබිණි.
මිද්දෙවෙල – කන්දෙපොළ මාර්ගයේ ස්ථානයකදී මෙම සිදුවීම සිදුව ඇත.
පාසල් සිසුන් පිරිසක් ගමන්ගත් ත්‍රීරෝද රථයක් නවතා පරීක්ෂා කිරීමට යාමේදී තිහගොඩ පොලිසියේ නිලධාරියකුගේ පිස්තෝලය ක්‍රියාත්මක වී අදාළ සිසුවාට වෙඩි වැදී ඇති බවයි පොලිසිය පවසන්නේ.
හිසට වෙඩි වැදීමෙන් බරපතළ තුවාල ලබා ඇති එම 14 හැවිරිදි සිසුවා මේ වනවිට කරාපිටිය ශික්ෂණ රෝහලේ දැඩි සත්කාර ඒකකයේ ප්‍රතිකාර ලබන බව සඳහන්.
සිද්ධියෙන් කුපිත වූ ප්‍රදේශවාසී ජනතාව තිහගොඩ පොලිසිය අසලට රැස්වීමත් සමග උණුසුම් තත්වයක් උද්ගතව ඇති අතර තත්වය පාලනය කිරීම සඳහා අවට පොලිස් ස්ථානවලින් ද නිලධාරීන් කැඳවා තිබුණු බවත් වාර්තා විය.
RN
