ඊයේ (31) දිනයේදී එක්සත් ජනපද සුරැකුම්පත් හා විනිමය කොමිෂන් සභාව (SEC) වෙත ගොනු කරන ලද ලේඛනවලට අනුව, ට්විටර් සමාගමේ “එකම අධ්යක්ෂවරයා ” බවට මස්ක් පත්ව ඇති බව වාර්තා වේ.
පසුගිය සතියේ ඔහු ඩොලර් බිලියන 44ක් වැය කර ට්විටර් සමාගම පවරා ගැනීමෙන් පසු සමාගම වාමාංශික අදහස් වලට පක්ෂග්රාහී බවට මස්ක් චෝදනා කර තිබේ. ඒ අනුව යමින් අධ්යක්ෂ මණ්ඩලය ඉවත් කර මස්ක් එහි එකම අධ්යක්ෂක බවට පත්ව ඇති අතර ඔහු මේ වන විට ට්විටර් හි සියලුම කැපී පෙනෙන බැඳුම්කර ආපසු මිලදී ගැනීමට කටයුතු කරමින් සිටින බවද වාර්තා වේ.
(SEC) වෙත ගොනු කරන ලද ලේඛණවලට අනුව Twitter හි දෙවන විශාලතම කොටස් හිමියකු පිළිබඳ අනාවරණය වන අතර ඔහු සෞදි කුමරු අල්වලීඩ් බින් තලාල් වේ.
කෙසේ නමුත් සුවිශාල සමාජ මාධ්ය ජාලයක් වන ට්විටර් ඊලෝන් මස්ක් විසින් අත්පත් කර ගැනීම හේතුවෙන් නිදහස් කථනය අභියෝගයට ලක්විය හැකි බවට විවාදයන් ඉදිරිපත් වෙමින් තිබේ. ඒ අනුව වඳුරකු අතට දැලිපිහියක් ලැබී ඇත.
කෙසේ නමුත් මස්ක් සිය සැළසුම් මේ වන විටත් ඉදිරිපත් කර නොමැති අතර, සමාගමේ මධ්යස්ථ නීති රීති ලිහිල් කරමින් සේවක පිරිස අඩු කිරීමට සැරසෙන බව ජාත්යන්තර මාධ්ය වාර්තා කර තිබේ.
සශිකලා මධුෂාණී_OBT
