කොළඹ LNW:විශ්ව විද්‍යාල ආචාර්ය සමිති සම්මේලනය (FUTA) විසින් අද (02) සංකේත වැඩවර්ජනයක් ක්‍රියාත්මක කර තිබේ.
ඒ අනුව අද දින රාජ්‍ය විශ්ව විද්‍යාල පද්ධතියේ අධ්‍යයන හා කටයුතු සිදුනොවන අතර වැටුප් ගැටලුව, රාජ්‍ය විශ්වවිද්‍යාලවලට ලබා දෙන අරමුදල් කප්පාදු කිරීම ඇතුළු කරුණු කිහිපයකට එරෙහිවයි මෙම සංකේත වැඩවර්ජනය ක්‍රියාත්මක වන්නේ.
ඊට රාජ්‍ය විශ්ව විද්‍යාල 17ම එක්ව සිටියි.
රාජ්‍ය සේවා වෘත්තිය සමිති සන්ධානය සහ විශ්ව විද්‍යාලයීය ආචාර්යවරුන්ගේ සමිති සම්මේලනය නාවල විවෘත විශ්වවිද්‍යාලයේ දී ඊයේ පැවැත්වූ සාකච්ඡාවක දීයි මෙම තීරණයට එළඹ තිබේ.
මෙම වෘත්තීය සමිති ක්‍රියාමාර්ගයට සමගාමීව අද පසවරු 01.00ට විහාරමහා දේවී උද්‍යානය ඉදිරිපිටින් විරෝධතා පාගමනක් ආරම්භ කිරීමට නියමිත අතර පස්වරු 02.00ට ”රාජ්‍ය විශ්ව විද්‍යාල සුරකිමු” මැයෙන් මහජන පුස්තකාල ශ්‍රවණාගාරයේදී සම්මන්ත්‍රණයක් පැවැත්වීමට කටයුතු යොදා ඇත.
ASK
