රෂිකා හෙන්නායක නොවැම්බර් 07, කොළඹ LNW:
ලංකා ෆොස්පේට් සමාගමේ හිටපු සැපයුම් නිලධාරියෙකු අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගෙන ඇත.
2017 වසරේදී TGM 160 මෝල යන්ත්‍රයට අදාළ අමතර කොටස් ආනයනය කිරීමේදී මොහු විසින් ඇමෙරිකානු ඩොලර් 5,830ක මූල්‍ය පාඩුවක් සිදු කර ඇති බවට චෝදනා එල්ල වී තිබේ.
මෙම නීතිවිරෝධී ක්‍රියාව සම්බන්ධයෙන් අදාළ සැකකරු අත්අඩංගුවට ගැනීම සඳහා විමර්ශන නිලධාරීන් කටයුතු කර ඇත.
අනතුරුව, අත්අඩංගුවට ගත් මෙම පුද්ගලයා කොළඹ ප්‍රධාන මහේස්ත්‍රාත් අධිකරණය වෙත ඉදිරිපත් කිරීමට නියමිතව පවතී.
