කොළඹ LNW: හිටපු මහ බැංකු අධිපති අර්ජුන් මහේන්ද්‍රන් ඇතුලු දස දෙනෙකුට එරෙහි චෝදනා පවත්වා ගෙන යා නොහැකි බැවින් ඔවුන් මුදා හරින ලෙස ලබාදී තිබු නියෝගය අත්හිටුවමින් ශ්‍රේෂ්ඨාධිකරණය අතුරු නියෝගයක් නිකුත් කර තිබේ.
මහ බැංකු බැදුම්කර සිද්ධිය සම්බන්ධයෙන් හිටපු මහ බැංකු අධිපති අර්ජුන් මහේන්ද්‍රන් ඇතුලු 10 දෙනෙකු චෝදනා එල්ල වූ අතර පොදු දේපළ පනත යටතේ ඉදිරිපත් කර තිබු එම චෝදනා පවත්වාගෙන යාමට නොහැකි බැවින් ඔවුන් මුදා හැරීමටයි කොළඹ ත්‍රීපුද්ගල මහාධිකරණ විනිසුරුමුඩල්ල තීන්දු කර තිබුණේ.
එම නියෝගය ක්‍රියාත්මක වීම අත්හිටුවමින් ශ්‍රේෂ්ඨාධිකරණය අද අතුරු නියෝගයක් නිකුත් කරන ලදී.
මෙම සිද්ධිය සම්බන්ධයෙන් ත්‍රීපුද්ගල මහාධිකරණ විනිසුරුමඩුල්ල හමුවේ පැවැත්වෙන නඩු විභාගය ද අත්හිටුවන ලෙස තවත් අතුරු නියෝගයක් නිකුත් කෙරුණි.
ශ්‍රේෂ්ඨාධිකරණය මෙම නියෝග නිකුත් කළේ ත්‍රීපුද්ගල මහාධිකරණ විනිසුරුමඩුල්ලේ නියෝගවලට එරෙහිව නීතිපතිවරයා ඉදිරිපත් කළ අභියාචනා පෙත්සමක් විභාගයට ගැනීමට අවසරදෙමිනි.
නීතිපතිවරයා වෙනුවෙන් පෙනීසිටි ජ්‍යෙෂ්ඨ අතිරේක සොලිසිටර් ජනරාල් ප්‍රියන්ත නාවාන මහතා කරුණු දක්වමින් පැසුවේ ත්‍රීපුද්ගල මහාධිකරණ විනිසුරුමඩුල්ලේ තීන්දුව දෝෂ සහිත බවයි.
ASK
