සටහන: සශිකලා මධුෂාණී
ලෝකය(අවුට්බවුන්ඩ් ටුඩේ) නොවැම්බර් 16: ඇමෙරිකා එක්සත් ජනපදය යළිත් වරක් ඉරානයට ප්රහාරයක් එල්ල කළහොත්, ඊට ප්රතිචාර දැක්වීමට බලා නොසිට පළමුව ප්රහාරයක් එල්ල කිරීමට සිදුවිය හැකි බවට ඉරානය අනතුරු අඟවා තිබේ.
ඉරානයේ නියෝජ්ය විදේශ අමාත්ය කාසෙම් ඝරිබාබාඩි පවසා ඇත්තේ, ඇමෙරිකාව සමඟ පවතින අර්බුදය හමුවේ රාජ්ය තාන්ත්රික සාකච්ඡා, ආර්ථික සම්බාධක සහ යුදමය ගැටුම් ඇතුළු ඕනෑම තත්ත්වයකට මුහුණ දීමට ඉරානය සූදානම් බවයි.
ඇමෙරිකාව විසින් රාජ්ය තාන්ත්රික සාකච්ඡා පවත්වන අතරතුර තවත් හමුදා මෙහෙයුමකට සූදානම් විය හැකි බවට ද ඉරානය සැක පළ කර ඇති අතර තම රටේ ආරක්ෂක හැකියාවන් තවදුරටත් ශක්තිමත් කරමින් නව මිසයිල නිෂ්පාදන කටයුතු සිදුකරන බව ද ඉරාන පාර්ශ්වය සඳහන් කර ඇත.
මෙම ප්රකාශයත් සමඟ ඇමෙරිකාව සහ ඉරානය අතර පවතින උණුසුම්කාරී තත්ත්වය තවදුරටත් වර්ධනය වීමේ අවදානමක් මතුව ඇති අතර මැදපෙරදිග කලාපයේ ආරක්ෂාව සම්බන්ධයෙන් ද ජාත්යන්තර අවධානය යළිත් යොමුව ඇත.

