LAUGFS Gas නිලධාරීන් අද වෙළඳ අමාත්‍යවරයා හමුවෙයි!

රෂිකා හෙන්නායක නොවැම්බර් 17, කොළඹ LNW:

නිල දැනුම්දීමක් ලැබීමෙන් අනතුරුව, LAUGFS Gas PLC හි නිලධාරීන් අද (17) දින වෙළඳ, වාණිජ සහ ආහාර සුරක්ෂිතතා අමාත්‍ය වසන්ත සමරසිංහ මහතා හමුවීමට නියමිතව ඇත.

ඒ අනුව, තම කණ්ඩායම අමාත්‍යවරයා හමුවන බව LAUGFS Gas ආයතනය පවසයි. මීට අමතරව, හෙට දිනයේදී පාර්ලිමේන්තුව හමුවේ පෙනී සිටින ලෙස ද එම සමාගමට දැනුම් දී ඇති බව වාර්තා වේ.

මේ අතර, මෑතකදී සිදු වූ ගෑස් මිල ඉහළ දැමීම සම්බන්ධයෙන් විමසීම සඳහා LAUGFS Gas නිලධාරීන් ඊයේ පාරිභෝගික කටයුතු පිළිබඳ අධිකාරිය (CAA) වෙත කැඳවා තිබුණි.

LAUGFS ප්‍රධාන විධායක නිලධාරී නලින්ද කුරුකුලසූරිය මහතාගේ ප්‍රධානත්වයෙන් යුත් නියෝජිත පිරිසක් මෙම හමුවට සහභාගී වූ අතර, පාරිභෝගික කටයුතු පිළිබඳ අධිකාරියේ සභාපතිවරයා, අධ්‍යක්ෂ මණ්ඩලය, අධ්‍යක්ෂ ජනරාල්වරයා සහ මිල නියම කිරීම් හා කළමනාකරණ අධ්‍යක්ෂවරයා ද ඊට එක්ව සිටියහ.

මෙම හමුවේදී, පාරිභෝගික කටයුතු පිළිබඳ අධිකාරිය විසින් LAUGFS Gas ආයතනය වෙත කරුණු තුනක් ඉදිරිපත් කළ බව වාර්තා වේ. එනම්, ගෑස් සිලින්ඩර සඳහා පාරිභෝගිකයින් විසින් තැන්පත් කර ඇති මුදල් වෙනුවෙන් සාධාරණ වටිනාකමක් ලබා දීම, දිවයින පුරා ගෑස් සැපයුම විධිමත් කිරීම සහ අඛණ්ඩව පවත්වාගෙන යාම සහතික කිරීම, මෙන්ම ගෑස් මිල ඉහළ දැමීම අධිකාරිය විසින් අනුමත නොකරන බව ප්‍රකාශ කිරීමයි.

Share post:

spot_imgspot_img

Popular

More like this
Related

නොවැ. 20 සිට මදුරු ඔය ජාතික වනෝද්‍යානය හරහා දිවෙන මාර්ගය රාත්‍රී කාලයේදී වසා තැබේ.

රෂිකා හෙන්නායක නොවැම්බර් 17, කොළඹ LNW: පනිජ්ජ ඔය සහ කන්දේගම...

කාවන්තිස්ස වෙනුවෙන් සජිත් පිංකම් රැසක!

කොළඹ LNW:විපක්ෂ නායක සජිත් ප්‍රේමදාස මහතාගේ දායකත්වයෙන් කාවන්තිස්ස හස්තියා...

වසරේ ප්‍රධානම උල්කාපාත වර්ෂාව අද!

කොළඹ LNW:වසරේ ප්‍රධානම උල්කාපාත වර්ෂාවක් අද (17) රාත්‍රියේ ජනතාවට...

කහවත්ත මූලික රෝහලේ ගින්නක්!

කොළඹ LNW:කහවත්ත මූලික රෝහලේ අබලි ද්‍රව්‍ය ගබඩා කර වසා...