සටහන – රුවන් නෙළුගොල්ල
හිටපු පාර්ලිමේන්තු මන්ත්‍රී සිවනේසතුරෙයි චන්ද්‍රකාන්තන් හෙවත් පිල්ලෙයාන් අද (නොවැම්බර් 20) අපරාධ පරීක්ෂණ දෙපාර්තමේන්තුව හමුවේ පෙනී සිටීමට නියමිතව තිබේ.
ඒ, පාස්කු ප්‍රහාරය සම්බන්ධයෙන් බ්‍රිත්‍යානයේ Channel 4 නාලිකාව විකාශය කළ වාර්තාම වැඩසටහනේදී ඔහුගේ හිටපු ලේකම්වරයකු වූ අසාද් මවුලානා විසින් පවසා ඇති කරුණු සම්බන්ධයෙන් ප්‍රකාශයක් ලබාදීම සඳහා ය.
මේ සම්බන්ධයෙන් පසුගිය 12 වනදා අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස පිල්ලෙයාන්ට දැනුම් දී තිබුණු නමුත් එදින ඔහු සිය නීතීඥවරයා මාර්ගයෙන් දැනුම් දී තිබුණේ නොවැම්බර් 18 – 25 අතර දිනයක තමන් අපරාධ පරීක්ෂණ දෙපාර්තමේන්තුව හමුවේ පෙනී සිටින බවයි.
