සටහන: සශිකලා මධුෂාණි
නොවැම්බර් 20; ලෝකය(අවුට්බවුන්ඩ් ටුඩේ) : නිරිතදිග පකිස්ථානයේ බෙදුම්වාදී කණ්ඩායම්වලට එරෙහිව පකිස්ථානය පුළුල් මිලිටරි මෙහෙයුමක් නිවේදනය කර තිබේ.
අගමැති ෂෙහ්බාස් ෂරීෆ්ගේ කාර්යාලය මේ සම්බන්ධයෙන් විශේෂ නිවේදනයක් නිකුත් කරමින් සඳහන් කර තිබුණේ, අගමැතිවරයා ඊයේ(19)දිනයේදී පකිස්ථානයේ දේශපාලන හා හමුදා නායකයින්ගේ රැස්වීමකට සම්බන්ධ වෙමින් මෙම මෙහෙයුම සඳහා අනුමැතිය ලබා දුන් බවයි.
පකිස්ථානයේ කාලයක් පුරා පකිස්ථාන තලේබාන් සංවිධානයෙන් බිඳී ගිය කන්ඩායමක් වන Hafiz Gul Bahadur කණ්ඩායම, පකිස්තාන තලේබාන් ලෙසද හැඳින්වෙන Tehreek-e-Taliban Pakistan (TTP) සංවිධානය, සන්නද්ධ බෙදුම්වාදී කණ්ඩායමක් වන Jaish al-Adl, Balochistan Liberation Army (BLA) හා අනෙකුත් නීති විරෝධී කණ්ඩායම් හේතුවෙන් පිඩාවට පත්ව ඇති අතර මෙම මෙහෙයුම හරහා මෙම කණ්ඩායම් ඉලක්ක කරනු ඇති අතර ෂෙරීෆ්ගේ කාර්යාලය හෝ හමුදාව මෙහෙයුම පිළිබඳ තොරතුරු හෙළිදරව් කර නොමැත.
චීන ජාතිකයන් දහස් ගණනක් පකිස්ථානයේ සේවය කරන අතර ඔවුන්ගෙන් බොහෝ දෙනෙක් ඩොලර් බිලියන ගණනක යටිතල පහසුකම් ව්යාපෘතියක් වන Beijing’s Belt and Road Initiative හි සම්බන්ධ වී සිටිති.
පසුගිය කාලය පුරාම චීනය සිය පුරවැසියන් ඉලක්ක කර ගනිමින් ප්රහාර රැසක් එල්ල වීමෙන් පසු ඔවුන් ආරක්ෂා කිරීමට පියවර ගෙන ඇති අතර පාකිස්තානයේ ඒකාබද්ධ ත්රස්ත විරෝධී අභ්යාස සඳහා සැලැස්මක් ද හෙළිදරවු කර ඇත.
