1983 අගෝස්තු 11 වන දින උපත ලද Christopher Hemsworth හෙවත් Chris Hemsworth ඕස්ට්‍රේලියානු රංඟනශිල්පියෙකි. හොලිවුඩය අතික්‍රමණය කරමින් තම සිනමා වෘත්තියට ආරම්භයක් ලබාදීමට පෙර ඔහු ඕස්ට්‍රේලියානු රූපවාහිනී කතා මාලාවක් වන Home and Away (2004-2007) හි Kim Hyde ලෙස ප්‍රසිද්ධියට පත් විය. Marvel Cinematic Universe (MCU) හි, 2011 වර්ෂයේ දී Thor නමින් ජනප්‍රිය මාර්වල් සිනමාංගයට පණ පෙවීමට හෙම්ස්වර්ත් ට හැකි විය. මෑතකදී Thor: Love and Thunder (2022) සිනමාහල් අතික්‍රමණය කළේය.
එකී නොකී මෙකී රසබර කතා කෙතරම් තෝර් ගැන අපිට කතා කිරීමට තිබුන ද අද කියන්න යන්නේ තෝර් ෆෑන්ස්ලට ඉතා දුක්බර කතාවකි. Alzheimer නම් රෝගය හේතුවෙන් ඔහු පීඩා විදින බව ලොව පුරා පුවත් රැසක් වාර්තා වීමයි. හෙම්ස්වර්ත් ද මේ වන විට එම රෝගයට ගොඳුරු වූ රෝග වාහකයෙකි.
Alzheimer යනු?
Alzheimer (ඇල්සයිමර්) රෝගය යනු ස්නායු ආබාධයක් වන අතර එය ඇතිවීමෙන් මොළය හැකිලීමට (ඇට්‍රොෆි) සහ මොළයේ සෛල මිය යාම වැනි තත්ත්වයක් ඇතිවිය හැක. ඇල්සයිමර් රෝගය ඩිමෙන්ශියාවට වඩාත් පොදු හේතුවකි. පුද්ගලයෙකුගේ ස්වාධීනව ක්‍රියා කිරීමට ඇති හැකියාවට බලපාන චින්තනය, චර්යාත්මක හැසිරීම මෙම රෝගය හේතුවෙන් බලපෑමකට ලක් වේ.
ක්‍රිස් හෙම්ස්වර්ත් හෙවත් තෝර් ඇල්සයිමර් රෝගයට ජානමය නැඹුරුතාවයක් ඇති බව දැනගත් පසු විනෝදාස්වාදයෙහි යෙදෙමින් තම මානසික සුවය සඳහා ප්‍රමුඛත්වය දෙමින් වැඩි කාලයක් ගත කිරීමට සැලසුම් කර ඇති බවට විදෙස් මාධ්‍ය හරහා වාර්තා වේ.
39 හැවිරිදි තෝර් පවසන්නේ ඔහු තම පවුල සමඟ කාලය ගත කිරීම සඳහා තම වෘත්තියෙන් විවේකයක් ගැනීමට තීරණය කළ බවයි.
එක් කථාංගයක් රූගත කරන අතරතුර සිදුකල DNA ජාන පරීක්ෂණයක දී ඔහුගේ ජාන්වල APOE4 ජාන පිටපත් දෙකක් තිබූ බව පරීක්‍ෂණවලින් හෙළි වූ අතර ඒවා ඇල්සයිමර් රෝගය වැළඳීමේ අවදානම වැඩි කරන බවට ද සාක්ෂි දරයි.
මෙම ජාන ප්‍රවණතාවය සහ අවදානම ගැන දැන ගැනීම දුෂ්කර අවකාශයක් සේ පෙනෙන නමුත් එය මග හැරීමේ තේරුමක් නොමැති බව ද එයට ඔහු මුහුණ දිය යුතු බව ද රසිකයන් සමඟ ඔහු බෙදා ගත්තේය.
තෝර් ගේ සුපිරි බලය රඳා පවතින මිටියෙන් සෙල්ලම් දැමූ සමය ඔහු තාවකාලිකව හෝ අවසන් කර හමාරය. ඉතින් තෝර්; මාර්වල් ලෝකයේ තවත් එක් වීරයෙක් වන ඔබට ඉක්මන් සුවය පතමු!
“Get well soon Thor!”
නිපුනි ලියනගේ
