රෂිකා හෙන්නායක නොවැම්බර් 22, කොළඹ LNW :
ජාතික ළමා ආරක්ෂක අධිකාරිය (NCPA) වෙත මෙම වසරේ මුල් මාස 10 තුළ දරුවන්ට එරෙහි ලිංගික අපරාධ සම්බන්ධ පැමිණිලි 776ක් ලැබී තිබේ.
එම අධිකාරියේ නීතිය ක්රියාත්මක කිරීමේ අධ්යක්ෂිකා සජීවනී අබේකෝන් මහත්මිය පැවසුවේ, දූෂණ සිද්ධීන් සම්බන්ධයෙන් පැමිණිලි 192ක් ලැබී ඇති බවයි.
එම කාලසීමාව තුළම සුළු ස්වභාවයේ ලිංගික අපරාධ සම්බන්ධයෙන් පැමිණිලි 418ක් ලැබී ඇති බව ද ඇය සඳහන් කළාය. මීට අමතරව, බරපතල ලිංගික අපරාධ සම්බන්ධයෙන් තවත් පැමිණිලි 133ක් ලැබී ඇත. දරුවන්ට එරෙහි ලිංගික අපරාධ වැළැක්වීම සඳහා සමාජයක් ලෙස සාමූහිකව කටයුතු කිරීමේ වැදගත්කම සජීවනී අබේකෝන් මහත්මිය අවධාරණය කළාය.


