රෂිකා හෙන්නායක නොවැම්බර් 27, ලෝකය (අවුට්බවුන්ඩ් ටුඩේ):
රතු මුහුදේදී පුද්ගලයින් 44 දෙනෙකු රැගත් සංචාරක බෝට්ටුව පසුගිය සඳුදා ගිලී යාමෙන් පසු අතුරුදන් පිරිස් බේරාගැනීම සඳහා තවදුරටත් මෙහෙයුම් ක්‍රියාත්මක වන අතර, අනතුරට ලක්වූ සංචාරක බෝට්ටුවේ සිටි අතුරුදන් පස් දෙනෙකු සොයා ගැනීමට සහන කණ්ඩායම් වලට හැකිව තිබෙන බව විදෙස් මාධ්‍ය වාර්තා කරයි.
රතු මුහුදේ සෝදිසි මෙහෙයුමේදී ඊජිප්තු ගලවාගැනීම්කරුවන් විසින් ඊයේ මළ සිරුරු හතරක් හා දිවි ගලවා ගත් පස් දෙනෙකු සොයා ගෙන ඇති අතර, මේ වන විට එහි සිටි පුද්ගලයින් 33 දෙනෙකු බේරාගෙන ඇත. ඊයේ සවස වන විට තවත් හත් දෙනෙකු අතුරුදහන් ව සිටි බව වැඩිදුරටත් වාර්තා වේ.
මහල් හතරකින් යුත් නවීන යාත්‍රාවේ මගීන් 31 දෙනෙකු හා කාර්ය මණ්ඩලය 13 දෙනෙකු සිට ඇති අතර එය මාර්සා අලාම් අසලදී විශාල රළකට හසු වී පෙරළී ගොස් ඇති බව එරට මාධ්‍ය වාර්තා කළේය.
