අශෝක ජයතුංග
වොෂින්ටන් DC LNW : මහා බ්‍රිතාන්‍යයේ ශ්‍රී ලංකා මහකොමසාරිස් ධුරයේ වැඩ බාරගත් රෝහිත බෝගොල්ලාගම මහතා එරට විදේශ , පොදුරාජ්‍ය මණ්ඩල කාර්යාලයේදී වයිස් මාර්ෂල් හා අධ්‍යක්ෂිකා වික්ටෝරියා බිස්බි මෙනෙවියට සිය අක්ත පත්‍රයේ මූලික පිටපතක් චාරිත්‍රානුකූලව පිළිගැන්වීය.
එය 111 වන චාල්ස් රජුට නිළ අක්ත පත්‍රය පිළිගැනිවීමට පෙර සිදුකරන සාම්ප්‍රධායික කටයුත්තකි. ඒ සදහා ඉක්මන් අවස්ථාව ලබාදීම ගැන ඇයට ස්තුතිය පළකල මහකොමසාරිස්වරයා දෙරට අතර සුහදතාව හා ද්විපාර්ශවික කටයුතු මෙන්ම අන්නොන්‍ය විශ්වාසය වර්දනය කිරීමට කැපවන බවට ද ප්‍රතිඥා දුන්නේය. චාල්ස් රජු, එරට ආණ්ඩුව හා ජනතාව ගේ අඛණ්ඩ ප්‍රගතිය වෙනුවෙන් ශ්‍රි ලංකා ජනාධිපති රනිල් විකුමසිංහ මහතා හා ජනතාවගේ සුබ පැතුම් ද එක් කළේය.
දෙරටේ සබදතා තවත් පුළුල්වීමට ලංකාව ගැන පළල් අවබෝදයක් එරට රජයට ලබාදෙන ලෙස ද ඔහු ඉල්ලා සිටියේය. මහකොමසාරිස්වරයාගේ හා ශ්‍රී ලංකාවේ කටයුතු සාර්ථක වනු දැක්ම බ්‍රිතාන්‍යයේ කැමැත්ත බවද ඒ වෙනුවෙන් සුබ පතන බවද බිස්බි මෙනෙවිය පැවසුවාය.
මෙම අවස්ථාවට එරට ශ්‍රී ලංකා මහකොමසාරිස් කාර්යාලයේ ප්‍රදූත නිලධාරිනිය වන (Counsellor) හිරුනි රාජපක්ෂ මහත්මියද එක් වූවාය.
