ආශිකා බ්රාහ්මණ
කොළඹ LNW:අයහපත් කාලගුණ තත්ත්වයෙන් පීඩාවට ලක්වූ පුද්ගලයින්ට සහ බලපෑමට ලක්වූ ව්යපාර වෙත සහන සැලසීමට මහ බැංකුව කටයුතු කර තිබේ.
ඒ අනුව මෑත කාලීන සුළි සුළං සහ ගංවතුර ආපදා තත්ත්වයෙන් ඇති වූ අහිතකර බලපෑම් සැලකිල්ලට ගනිමින් මූල්ය පද්ධතියේ ස්ථායිතාවය මත අනවශ්ය බලපෑමක් ඇති නොවන ආකාරයට, බලපෑමට ලක් වූ ව්යාපාර සහ පුද්ගලයන්ට ඵලදායී ලෙස සහන ලබා දීමට සැලසුම් කර ඇත.
තම ආදායමට හෝ ව්යාපාරයට සෘජු බලපෑම් සිදු වූ පුද්ගලයින් සහ ව්යාපාර සඳහා (මින් ඉදිරියට ණය ගනුදෙනුකරුවන් ලෙස හඳුන්වනු ලැබේ) සහන ලබා දීමේ අරමුණින් බලපත්රලාභී බැංකු වෙත 2025 අංක 04 දරන 2025.12.05 දිනැති චක්රලේඛය ශ්රී ලංකා මහ බැංකුව විසින් නිකුත් කර ඇත.
ණය ගනුදෙනුකරුවන් අදාළ බලපත්රලාභි බැංකු වෙත ලිඛිතව හෝ විද්යුත් මාර්ගයෙන් 2026.01.15 දිනට පෙර ඉල්ලීමක් කළ විට පහත දක්වා ඇති සහන ලබාදෙන ලෙස බලපත්රලාභි බැංකු වෙත දැනුම්දී තිබේ.
තාවකාලික ණය සහන
බලපෑමට ලක්වූ ණය ගනුදෙනුකරුවන්ට නව ණය පහසුකම්
ප්රමාද ගාස්තු / දඩ පොලී ආදිය අය කිරීම අත්හිටුවීම (2026/01/31 දක්වා)
ණය පහසුකම්වලට අදාළ සැකැස්මක් ඉදිරිපත් කිරීම
ඉහත සඳහන් ණය සහන ලබාදීම සම්බන්ධයෙන් ප්රතික්ෂේප කිරීමක් ඇති වුවහොත් බලපත්රලාභී බැංකු විසින් එවැනි ප්රතික්ෂේප කිරීමකට හේතුවූ කරුණු ලිඛිතව ණය ගනුදෙනුකරු වෙත දැනුම්දිය යුතු අතර අයදුම්කරුට එම ප්රතික්ෂේප කිරීමට එරෙහිව ශ්රී ලංකා මහ බැංකුවේ මූල්ය පාරිභෝගික සබඳතා දෙපාර්තමේන්තුවේ අධ්යක්ෂ වෙත අභියාචනයක් ඉදිරිපත් කිරීමට අවස්ථාව පවතියි.
ණය ගනුදෙනුකරුවන්ගෙන් ලැබෙන නව ණය අයදුම්පත් බලපත්රලාභී බැංකු විසින් අසතුටුදායක ණය තොරතුරු කාර්යාංශ වාර්තා මත පමණක් පදනම්ව ප්රතික්ෂේප කිරීම සිදු නොකළ යුතු බවට ද උපදෙස් ලබා දී තිබේ.
