1. දෙමළ, සිංහල සහ අනෙකුත් සියලුම ප්‍රජාවන් ඇතුළත් සමස්ත ශ්‍රී ලංකාවට ඉන්දියාව සැමවිටම සහයෝගය ලබා දී ඇති බව ඉන්දීය විදේශ කටයුතු අමාත්‍ය ආචාර්ය එස් ජයශංකර් ගෙන් ප්‍රකාශයක්!
2. විදුලි ගාස්තු සංශෝධනය කිරීමේ බලය කැබිනට් මණ්ඩලය සතු බව ජනාධිපති රනිල් වික්‍රමසිංහ ප්‍රකාශ කරයි – මහජන උපයෝගිතා කොමිෂන් සභාවේ සභාපතිවරයා තමා හමුවට කැඳවන බවද පවසයි – මහජන උපයෝගිතා කොමිෂන් සභාව අහෝසි කිරීමට යෝජනාවක් ඉදිරිපත් කර ඇති බව බලශක්ති අමාත්‍ය කංචන විජේසේකර පවසයි – මිල වැඩි කිරීමට එකඟ කරවා ගැනීමට විදුලිබල මණ්ඩලයට මහජන උපයෝගිතා කොමිෂන් සභාව බිය ගැන්විය නොහැකි බව එම කොමිෂන් සභාවේ සභාපති ජනක රත්නායක ප්‍රකාශ කරයි.
3. ලංකා විදුලිබල මණ්ඩලය සමාගම් 18 කට බෙදා ප්‍රතිව්‍යුහගත කිරීමට ගන්නා රජයේ සැලසුම් ව්‍යසනයකට හේතුවනු ඇති බව සමඟි ජන බලවේගයේ පා.ම. චම්පික රණවක ප්‍රකාශ කරයි.
4. අධික පොලී අනුපාතවලට ණය ගැනීමෙන් වළකින ලෙස මහබැංකු අධිපති ආචාර්ය නන්දලාල් වීරසිංහ ව්‍යාපාරිකයන්ගෙන් සහ මහජනතාවගෙන් ඉල්ලා සිටී – දැනට පවතින සියයට 30-35 අනුපාතවලට වඩා අඩු මිලකට ගැනීමට සාකච්ඡා කරන මෙන් ඉල්ලා සිටියි – මහබැංකුව විසින් සියයට 33 ට වඩා මාස 3ක භාණ්ඩාගාර බිල්පත් නිකුත් කිරීම මඟින් ඉහළ පොලී අනුපාත සඳහා මග පාදා ඇති බව බව විශ්ලේෂකයන්ගේ මතයයි – ශ්‍රී ලංකා මහ බැංකුවේ ක්‍රියාකලාපය මත ඉහළ ගිය පොලී අනුපාත හේතුවෙන් දහස් ගණන් ව්‍යාපාර වසා දැමීමට සහ මිලියන ගණනක රැකියා අවස්ථා අහිමි වී ගොස් තිබේ.
5. පළාත් පාලන මැතිවරණය සඳහා නාමයෝජනා කැඳවීමේ නිවේදනය 2022 දෙසැම්බර් අවසන් සතියේ නිකුත් කරන බව මැතිවරණ කොමිසම ප්‍රකාශ කරයි.
6. මුදල් අමාත්‍යවරයා ලෙස ජනාධිපති රනිල් වික්‍රමසිංහ විසින් පාර්ලිමේන්තුවට ඉදිරිපත් කරන ලද 2023 අයවැය වැඩි ඡන්ද 43 කින් සම්මත වෙයි – පක්ෂව ඡන්ද 123; විපක්ෂව ඡන්ද 80.
7. ආර්ථිකය බංකොලොත්භාවයට ගෙන ගිය අය ගැන සොයා බැලීමට පාර්ලිමේන්තුව විසින් පාර්ලිමේන්තු තේරීම් කාරක සභාවක් පත් කරන බව ජනාධිපති රනිල් වික්‍රමසිංහ ප්‍රකාශ කරයි – තමා මෙම පියවර අනුමත කරන බවත්, ණය පැහැර හැරීම සම්බන්ධයෙන් සොයා බැලීම සඳහා ඉහළ මට්ටමේ කමිටුවක් පත් කරන ලෙස 2022 සැප්තැම්බර් 5 වන දින තමා ජනාධිපතිවරයාගෙන් ඉල්ලා සිටි බවත් හිටපු මහබැංකු අධිපති අජිත් නිවාඩ් කබ්රාල් පවසයි.
8. රට බංකොලොත් වීමට දායකවූවන්ට “පසු භවයේදී” බේරීමක් නැති බව විපක්ෂයේ ප්‍රධාන සංවිධායක ලක්ෂ්මන් කිරිඇල්ල ප්‍රකාශ කරයි – මේ වන විට කිසිදු ණයක් නොගෙවීම නිසා ඉතිරි වූ මුදල් රජය වියදම් කරමින් සිටින බව ද පවසයි – එවැනි මුදල්වලින් ආධාර ලබා දීම ආර්ථික ජයග්‍රහණයක් නොවන බව ද පවසයි.
9. කොළඹ කොටස් වෙළෙඳපොළේ ඉහළ යාම අඛණ්ඩව 9 වැනි වරටත්! – සියලුම කොටස් මිල දර්ශකය මාස 2 ක ඉහළ අගයකට නැඟ ඒකක 8,892 කින් අවසන් වෙයි – දිනයක පිරිවැටුම රු. බිලියන 2.4 කි.
10. දිවයිනේ වාතයේ ගුණාත්මකභාවය සෞඛ්‍යයට අහිතකර මට්ටමකට පහත වැටී ඇති බව ජාතික ගොඩනැගිලි පර්යේෂණ සංවිධානය අනතුරු අඟවයි – ඉන්දියාවෙන් හමා එන තද සුළං හරහා ශ්‍රී ලංකාවේ වායු අවකාශය දූෂණය කරන දූවිලි අංශු ගලා ඒම මීට හේතුව ලෙස පෙන්වා දෙයි: වාතයේ ගුණාත්මකභාවය කොළඹ 249; කුරුණෑගල 291; යාපනයේ 280; මහනුවර 214.
