රෂිකා හෙන්නායක දෙසැම්බර් 11, කොළඹ (LNW):
කිසියම් කණ්ඩායමක් විසින් , Online ඔස්සේ දුම්රිය ආසන වෙන් කරන ප්රවේශ පත්ර බහුතරයක් මිලදී ගෙන පසුව ඒවා දෙස් විදෙස් සංචාරකයින්ට වැඩි මුදලට විකුණන බවට පැමිණිලි රැසක් ලැබී ඇති බව නියෝජ්ය අමාත්ය වෛද්ය ප්රසන්න ගුණසේන මහතා සඳහන් කරයි.
ඒ අනුව, ප්රවාහන හා මහාමාර්ග අමාත්යංශ පවසන්නේ , දුරගමන් සේවා දුම්රියවල ආසන වෙන් කරන ප්රවේශ පත්ර මිලදී ගැනීමේ වංචාවක් සම්බන්ධයෙන් අපරාධ පරීක්ෂණ දෙපාර්තමේන්තුවට (CID) පැමිණිලි කළ බවයි.
මේ තුළින් සත්ය වශයෙන්ම සංචාරයේ යෙදෙන්නන්ට ඉන් දැඩි පීඩාවක් සිදුවන බවත් , එම ක්රියාවේ නිරත පුද්ගලයින්ගේ දුරකතන අංක ද අපරාධ පරීක්ෂණ දෙපාර්තමේන්තුවට භාරදී ඇති බව, නියෝජ්ය අමාත්යරයා පෙන්වා දී ඇත.
නියෝජ්ය අමාත්ය වෛද්ය ප්රසන්න ගුණසේන මහතා ප්රකාශ කළේ, ඒ අනුව අදාළ වංචාවේ නිරත වූ සියලු පුද්ගලයින් කඩිනමින් නීතියේ රැහැණට යොමු කර ගත හැකි බවත් ,වෙන් කළ ආසන ප්රවේශපත්ර පරීක්ෂාව දැඩි කරන ලෙස ද උපදෙස් දී ඇති බවත් ය.
