සමඟි ජන බලවේගයේ පාර්ලිමේන්තු මන්ත්රී චමින්ද විජේසිරි මහතා කොළඹ නෙලුම් කුළුණ බදු දී තිබෙන්නේ සිංගප්පූරු සමාගමකට බවත් එම සමාගම අර්ජුන් ඇලෝසියස්ට අයත් එකක් බවත් පාර්ලිමේන්තුවේදී ප්රකාශ කර තිබිණි.
මේ පිළිබඳව LNW අප කළ විමසීමකදී ඇලෝසියස් මහතා පවසා සිටියේ, ශ්රී ලංකාවේ ආයෝජනය කර තිබෙන සෑම සිංගප්පූරු සමාගමක්ම තමාට අයත් යැයි පැවසීමට තරම් පාර්ලිමේන්තු මන්ත්රීවරුන් බොළඳ නොවිය යුතු බවත්, එලෙස ව්යාපාරවලට හිමිකාරීත්වය කීමට තරම් තමාට ධනස්කන්ධයක් නොමැති බවත් ය.
පාර්ලිමේන්තු මන්ත්රීවරුන් තම පාර්ලිමේන්තු වරප්රසාදවලට මුවා වී ප්රසිද්ධියේ මිනිසුන්ට අපකීර්තිය ගෙනෙන ප්රකාශ සිදු නොකළ යුතු බවට පවසන ඇලෝසියස් මහතා, චමින්ද විජේසිරි මන්ත්රීවරයා පාර්ලිමේන්තුව තුළ එල්ල කළ සාවද්ය චෝදනාව පාර්ලිමේන්තුවෙන් පිටත පොදු වේදිකාවක සිදුකළේ නම් ඔහුට එරෙහිව අපහාස නඩුවක් ගොනුකිරීමට කටයුතු කරන බව ද පැවසීය.
එමෙන්ම, ඉහත කී සමාගමට තම සම්බන්ධතාවයක් තිබෙන බවට එම මන්ත්රීවරයා පවසන්නේ නම්, එය නීත්යානුකූලව ඔප්පුකර පෙන්වන ලෙස තමා ගරු චමින්ද විජේසිරි මන්ත්රීවරයාට අභියෝග කර සිටින බව ද ඔහු පැවසීය.
MIAP
