Saturday, October 8, 2022

Latest Posts

චීන පොහොර නැවට ගෙවීම් වාරණය කිරීමේ නියෝගය ජනවාරි 06 දක්වා දීර්ඝ කරයි

අහිතකර ජීවීන් අඩංගුවීම නිසා ප්‍රතික්ෂේප කළ චීන කාබනික පොහොර නෞකාව සඳහා ගෙවීම් සිදු කිරීමට එරෙහිව නිකුත් කළ වාරණ නියෝග ජනවාරි 06 වැනිදා දක්වා දීර්ඝ කර තිබෙනවා. කොළඹ වාණිජ්‍ය මහාධිකරණය අද මෙම වාරණ නියෝගය දීර්ඝ කළේය.

වාරණ නියෝගය දීර්ඝ කරමින් මහාධිකරණ විනිසුරු ප්‍රදීප් හෙට්ටිආරච්චි මහතා ප්‍රකාශ කළේ වාරණ නියෝගය ඉවත් කරන්නේද එසේ නැතහොත් තවදුරටත් දීර්ඝ කරන්නේද යන්න ජනවාරි 06 වැනිදා ප්‍රකාශයට පත් කරන බවයි.

කොළඹ කොමර්ෂල් පොහොර සමාගම ඉදිරිපත් කළ පෙත්සමක් අද (23) යළි කැදවීමෙන් අනතුරුව අධිකරණය එම නියෝගය කළේය.

පෙත්සම්කාර පොහොර සමාගම්  මීට පෙර අධිකරණය හමුවේ කරුණු දක්වමින් රුපියල් බිලියනයකට වඩා වැඩි වටිනාකමකින් යුත් ජීවානුහරණය කළ කාබනික පොහොර ලංකාවට ගෙන්වීමේ ටෙන්ඩරය ලබාගත් වග උත්තරකාර චින්දාඕ සීවින් බයෝටෙක් ගෘෘප්‍ කොම්පනි නමැති චීන සමාගම එම ටෙන්ඩරය ක්‍රියාත්මක කරමින් පොහොර තොගයක් ලංකාවට එවීමට පියවර ගත් බව දැනුම් දී තිබුණි.

ඒ අනුව ජීවානුහරණය කළ කාබනික පොහොර මෙරටට නැව්ගත කිරීමට අවශ්‍යව තිබූණ ද එම කාබනික පොහොරවල ක්ෂුද්‍ර ජීවීන් සිටින බව අදාළ සමාගම නැව් උපදෙස් පත්‍රිකාව මඟින් පිළිගෙන ඇතැයි ඔවුන් අධිකරණය හමුවේ ප්‍රකාශ කළේය.

ජාතික ශාක නිරෝධායන සේවය මගින් සිදුකළ නියැදි පරීක්ෂාවේදී අදාල පොහොරවල ක්ෂුද්‍ර ජීවීන් සිටින බවට තහවුරු වූ අතර මේ නිසා පොහොර තොගය ප්‍රතික්ෂේප කෙරිණි. ඒ වනවිටත් පොහොර අඩංගු නෞකාව ශ්‍රී ලංකාව වෙත පැමිණෙමින් තිබූ අතර දින ගණනාවක් ශ්‍රී ලංකාව අවට මුහුදේ ගමන් කරමිත් තිබූ නෞකාව මේ වනවිට සිංගප්පූරු වරායේ නැංගුරම් ලා තිබේ.

වගඋත්තරකාර චීන පොහොර සමාගම වෙනුවෙන් අධිකරණය හමුවේ පෙනී සිටි නීතිඥයන් ප්‍රකාශ කළේ මෙම ගනුදෙනුව සම්බන්ධයෙන් යම් සමථයකට පත් වුවහොත් මෝසමක් මාර්ගයෙන් ඒ පිළිබඳව අධිකරණය වෙත කරුණු දක්වන බවයි.

UN

LEAVE A REPLY

Please enter your comment!
Please enter your name here

Latest Posts

spot_img

Don't Miss

Stay in touch

To be updated with all the latest news, offers and special announcements.