රට තුළ ලියාපදිංචි සුරාසැල් 4910 ක් පමණ තිබෙන බවත් ඉන් දෙදාහකට වැඩි ප්‍රමාණයක අයිතිකරුවන් වනුයේ වර්තමානයේ පාර්ලිමේන්තුවේ සිටින සහ කලින් හිටපු මන්ත්‍රීවරුන් බව පාර්ලිමේන්තු මන්ත්‍රී ඩලස් අලහප්පෙරුම මහතා පවසයි.
රටේ ප්‍රතිපත්ති සම්පාදකයින් සුරා වෙළඳුන් මත් වෙළඳුන් බවට පත්වී ඇති විටෙක පාසල් ළමුන්ගේ බෑග් පරික්ෂා කිරීම වෙනුවට කළ යුත්තේ මත් වෙළදුන්ගේ නිවෙස් පරික්ෂා කිරීම බවයි මන්ත්‍රීවරයා සඳහන් කරන්නේ.
එම තොරතුරු රටට අනාවරණය කිරීමට ගවේෂණශීලි මාධ්‍යවේදීන්ට ද තමන් ඇරයුම් කරන බව ද අලහප්පෙරුම මහතා කියාසිටියි.
ASK
