මෙරට වංචාව, දූෂණය, නාස්තිය, අක්රමිකතා සහ බලය ඉතාම කීපදෙනෙක් අත පැවතීම යන බරපතළ කරුණු හේතුවෙන් වත්මන් ආර්ථික අර්බුදයෙන් ගොඩ ඒම සඳහා කිසිවෙකුත් උදව් නොකරන තත්වයක් උද්ගතව ඇති බව හිටපු ජනාධිපති, ශ්රී ලංකා නිදහස් පක්ෂයේ නායක මෛත්රීපාල සිරිසේන මහතා පවසයි.
“දැන් හුඟදෙනෙක් IMF (ජාත්යන්තර මූල්ය අරමුදල) යන්නෙ නැත්තෙ ඇයි කියලා අහනවා, මේ රටේ ආර්ථික අර්බුදය විසඳාගන්න යම්කිසි සහනයක් එතනින් හම්බුවෙයි කියලා. ආණ්ඩුවේ බලවතුන් කියනවා නෑ, අපි IMF යන්නෙම නෑ කියලා. මම අවුරුදු පහට මාස එකහමාරයි අඩු ජනාධිපතිවරයා විදියට, ඒ අවුරුදු පහට මාස එකහමාරක් අඩු මුළු කාලයම මම වැඩ කෙරුවේ IMF එකත් එක්ක.
IMF එක මට බරපතළ කොන්දේසි දැම්මෙ නෑ. ඒ හැම ආයතනයක්ම උදව් කරන්නෙ මිත්රවරුනි, ඒ රටේ රාජ්ය පාලනයේ ස්වභාවයටයි. දැන් මම දන්නවා මට කොහෙත්ම IMF එක දාපු කොන්දේසි මේ ආණ්ඩුවට දාන බව. මොකක්ද ඒකට හේතුව ? ඒගොල්ලන් අපේ රට නෙවෙයි අනිත් රටවල්වලටත් ආධාර දෙන්න ඒ ගොල්ලන්ට අවශ්ය වෙන්නේ ඒ රටේ ප්රජාතන්ත්රවාදය තියෙනවාද, ඒ රටේ මානව හිමිකම් රැකෙනවාද, ඒ රටේ නීතිය හා සාමය අපක්ෂපාතීද, ඒ රටේ අධිකරණය ස්වාධීනද, ඒ රටේ පොලිසිය ස්වාධීනද කියන ඒවා.
දැන් අපි දකිනවානෙ සියලු නඩු නිදොස්කොට නිදහස් වෙනවා. දැන් ඕවා තමයි ජාත්යන්තරය බලන්නෙ. අපට ලකුණු හම්බුවෙන්නෙ ඕවාට තමා … කවුද අපිව බේරාගන්නෙ ? අපිව බේරාගන්න එන්නෙ, අපි සැබෑ මිනිස්සු නම් අපිව බේරාගන්න එයි. ඉතාම නරක තැනක අපි ජීවත් වෙන්නෙ. මේ රටේ වංචාව, දූෂණය, නාස්තිය, අක්රමිකතා සහ බලය ඉතාම කීපදෙනෙක් අත පැවතීම කියන බරපතළ කරුණු ගත්තාම අපට ගොඩ එන්න කවුරුවත් සලකන්නේ නැත ! අපි කොච්චර කෑගැහුවත් අපිව බේරගන්න කියලා, ඒක තමයි ඇත්ත තත්වය”
මෛත්රීපාල සිරිසේන මහතා මේ බව පැවසුවේ ඊයේ (26) පැවති ශ්රීලනිප කෝට්ටේ ආසන බලමණ්ඩල රැස්වීම අමතමිනි.
RN
