මෙරට වාණිජ්ය බැංකු සතු ඩොලර් සංචිතවලින් 25% ක් මහ බැංකුවට ලබාදිය යුතු බවට මහ බැංකු අධිපති අජිත් නිවාඩ් කබ්රාල් මහතා නියෝගයක් නිකුත් කර තිබෙනවා.
දෙසැම්බර් 27 වැනිදා සිට බලපැවැත්වෙන පරිදි නිකුත් කර ඇති මෙම නියෝගයට අනුව වාණිජ්ය බැංකුවලට රඳවා ගත හැක්කේ ඩොලර්වලින් 75% ක් පමණි.
විදෙස් රටවලින් ආනයනය කරන භාණ්ඩ සඳහා ඩොලර් නිකුත් කිරීම වාණිජ්ය බැංකු මගින් හැකිතරම් සීමා කර ඇති අතර මේ නිසා ආනයනකරුවන් බරපතල ගැටලුවකට මුහුණ දී සිටිනවා. පසුගිය සතියේදී වාර්තා වූයේ ආනයනය කළ භාණ්ඩ අඩංගු කන්ටේනර් 1500 කට වැඩි ප්රමාණයක් වරායේ ගබඩාවල සිර වී තිබෙන බවයි.
මහ බැංකුව විසින් ගෙන ඇති නවතම තීරණය අනුව වාණිජ්ය බැංකු මගින් ඩොලර් නිකුත් කිරීම තවදුරටත් සීමා වියහැකි බවත් මේ නිසා ආනයනකරුවන් තවදුරටත් අර්බුදයට යාහැකි බවත් ආර්ථික විශ්ලේෂකයන් පවසනවා.
UN
