බංගලාදේශයේ පැවති මධ්‍යම ආසියානු වොලිබෝල් සූරතාවලියේ පිරිමි අංශයේ සූරතාවය දිනා ගන්නට ශ්‍රී ලංකාව සමත් වුණා.ඒ අවසන් තරගයේදී සත්කාරක බංගලාදේශයට එරෙහිව වට 3- 0 ජයග්‍රහණයකට හිමිකම් කියමින්.
මූලික වටයේදී දෙපිල හමු වූ විට බංගලාදේශය එක වටයක් ජය ගත්තද අවසන් තරගයේදී ශ්‍රී ලංකා කණ්ඩායමෙන් එවැනි බුරුලක් බංගලාදේශයට ලැබුණේ නැත.පළමු වටයේදී පමණක් ඔවුන් ශ්‍රී ලංකාවෙන් ජයග්‍රහණය උදුරා ගන්න මට්ටමට පැමිණියද,එය ද ව්‍යර්ථ කළ ශ්‍රී ලංකා ක්‍රීඩකයෝ එම වටයද 28 – 26 ක් ලෙස ජය ගත්හ.
ශ්‍රී ලංකා කාන්තා කණ්ඩායමට උස්බෙකිස්තානය ඉදිරියේ අනපේක්ෂිත පරාජයකට මුහුණ දෙන්නට වූ නිසා තරගාවලියේ නිමාවේ ඔවුන්ට හිමි වුණේ තෙවන තැනය.නමුත් එහිදී ද තරගාවලියේ දක්ෂතම ප්‍රහාරිකාව වෙන්නට ශ්‍රී ලංකා කණ්ඩායමේ ප්‍රීතිකා ප්‍රමෝධනී සමත් වූවාය.
සූරතාවය දිනා ගත් පිරිමි කණ්ඩායමේ තරුණ ක්‍රීඩකයන් මතු අනාගතය ගැන පැහැදිළි විශ්වාසයක් ගොඩ නඟමින් ක්‍රීඩා කළ අතර ඒ අතරින් මහේල ඉන්දීවර සහ ධනුෂ්ක ප්‍රනාන්දු පිළිවෙලින් දක්ෂතම ප්‍රහාරකයා සහ පන්දු ඔසවන්නා වුහ.
RM
