සටහන – රෂිකා හෙන්නායක
මාර්තු 15, කොළඹ (LNW): මින් ඉදිරියට කුඹුරු ඉඩම් ගොඩ කිරීම සඳහා කිසිදු අවසරයක් නොදෙන ලෙස කෘෂිකර්ම හා වැවිලි කර්මාන්ත අමාත්‍ය මහින්ද අමරවීර නිලධාරීන්ට උපදෙස් ලබා දී ඇත.
අමාත්‍යවරයා අදාල නිලධාරින්ට උපදෙස් දී ඇත්තේ, පුරන් කුඹුරු වැඩිපුරම පවතින්නේ බස්නාහිර පළාතේ නිසා බොහෝ දෙනෙක් කුඹුරු ඉඩම් ගොඩ කිරීම සඳහා අවසර ඉල්ලන නමුත් ඉඩම් ගොඩ කිරීමට අවසර නොදීමට රජය ප්‍රතිපත්තිමය තීරණයක් ගෙන ඇති බැවින් මින් ඉදිරියට කුඹුරු ඉඩම් ගොඩ කිරීම සඳහා කිසිදු නිර්දේශයක් ඉදිරිපත් නොකරන ලෙසයි.
ඇතැම් පුද්ගලයින් මාර්ග දෙපස ඇති කුඹුරු ඉඩම් හිතා මතා පුරන්වීමට ඉඩ හැර ඇති බව අමාත්‍යවරයා පෙන්වා දුන් අතර, ජනාධිපති රනිල් වික්‍රමසිංහ ද කුඹුරු ඉඩම් ගොඩ කිරීමට අවසර නොදෙන ලෙස තමන්ට උපදෙස් දුන් බව ද කෘෂිකර්ම හා වැවිලි කර්මාන්ත අමාත්‍යවරයා වැඩිදුරටත් අවධාරණය කළ බව පැවසේ.
