ප්‍රමිතියෙන් තොර ඖෂධ තොගයක් මිලදී ගැනීමේ වංචාවක් සම්බන්ධයෙන් රක්ෂිත බන්ධානාගාරගත කර සිටින හිටපු සෞඛ්‍ය ඇමති කෙහෙළිය රඹුක්වැල්ල උසාවියට රැගෙන ඒම සඳහා බන්ධනාගාර රැඳවියන්ගේ දරුවන් ප්‍රවාහනය කිරීමට එක්සත් ජාතීන්ගේ ළමා අරමුදල විසින් පරිත්‍යාග කර තිබෙන KDH වෑන් රථය යොදාගෙන ඇති බවට ලැබී ඇති පැමිණිල්ලක් සම්බන්ධයෙන් අපරාධ පරීක්ෂණ දෙපාර්තමේන්තුව විමර්ශනයක් ආරම්භ කර ඇතැයි වාර්තා වේ.
මෙම වෑන් රථය පරිත්‍යාග කිරීමේදී ළමුන් හැර රැඳවියන් ප්‍රවාහනයට කිසිසේත්ම මෙම වෑන් රථය යොදා නොගත යුතු බවට එක්සත් ජාතීන්ගේ ළමා අරමුදල පනවා තිබූ කොන්දේසිය ද උල්ලංඝනය කරමින් බන්ධනාගාර කොමසාරිස් ජනරාල්වරයාගේ වුවමනාව මත එය කෙහෙළිය රඹුක්වැල්ල වෙනුවෙන් ලබාදී ඇති බවත් අදාළ පැමිණිල්ලේ සඳහන් වන බව වාර්තා විය.
කෙසේවෙතත් මේ සම්බන්ධයෙන් මාධ්‍ය කළ විමසීමකදී බන්ධනාගාර මාධ්‍ය ප්‍රකාශකවරයා සඳහන් කර තිබුණේ අදාළ දිනයේ ප්‍රවාහන කටයුතු සඳහා ප්‍රමාණවත් බස් රථ නොතිබුණු බැවින් එම වෑන් රථය යොදාගත් බවට නිලධාරීන් දැනුම්දුන් බවකි.
RN
