කොළඹ LNW:69 ලක්ෂයක ජන්දයෙන් තුනෙන් දෙකක් සහිත ආණ්ඩුවක් අරගලයකින් ගෙදර යවල පතපු වෙනස දැන් පෙනෙන්නට තිබෙන බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ මහතා පැවසුවේය.
ඒ, අද (25) හම්බන්තොට පැවති ජන හමුවකින් අනතුරුව මාධ්‍ය වෙත අදහස් දක්වමිනි.
කොවිඩ් 19 වසංගතය හමුවේ මුහුණ දීමට සිදුවූ ආර්ථික අර්බුදයට සහනයක් ලෙස රු. 5000ක දීමනාවකුත් ලබා දී,බදු බර අඩුකර රැකියා උත්පාදනය සඳහා වෙහෙස වෙමින් සිටියදී අරගලයක් නිර්මාණය කරගත් බවයි මන්ත්‍රීවරයා සඳහන් කළේ.
එය පැහැදිලිවම ආණ්ඩුව පෙරළීමට පැමිණි වැඩපිළිවෙලක් බවද මන්ත්‍රීවරයා කියාසිටියේය.
මේ අතර ඉදිරි ඕනෑම මැතිවරණයකට වුවද පක්ෂයක් ලෙස සූදානම් බවත් හෙතෙම තවදුරටත් ප්‍රකාශ කරන ලදී.
ASK
