සටහන – රෂිකා හෙන්නායක
මාර්තු 31, ලෝකය (අවුට්බවුන්ඩ් ටුඩේ): අතිඋතුම් ශුද්ධෝත්තම ෆ්රැන්සිස් පාප් වහන්සේගේ ප්රධානත්වයෙන් වතිකානුවේ ශාන්ත පීතර බැසිලිකා දෙව්මැදුරේදී, ජේසුස් වහන්සේගේ මරණයෙන් පසු උට්ඨාන වීම සිහිපත් කෙරෙන පාස්කු ඉරිදා ලොව ප්රධාන දේව මෙහෙය පැවැත්වීම සිදුවී ඇත.
කිතුණු බැතිමතුන් හය දහසක් පමණ පාස්කු දේව මෙහෙයට එක්ව සිට ඇති අතර, වෛරයේ කුරිරුකම සහ යුද්ධයේ රුදුරු බව නිසා සාමය සඳහා වූ සියලු අභිලාෂයන් බිඳ වැටී ඇති බව දේවමෙහෙය අතරතුර අදහස් දක්වමින් ශූද්ධෝත්තම හිමිපාණන් පැවසුවේය.
විදෙස් මාධ්ය වාර්තා කළේ, 87 හැවිරිදි වියේ පසුවන උන්වහන්සේ සෞඛ්යම ගැටලු හේතුවෙන් මහ සිකුරාදා දින ජූජාවට එක්නොවු බවයි.
