සටහන – රෂිකා හෙන්නායක
අප්‍රේල් 12, කොළඹ (LNW): ලබන මැයි මාසය ඇතුළත, පසුගිය උසස් පෙළ විභාගයේ ප්‍රතිඵල නිකුත් කරන බව විභාග දෙපාර්තමේන්තුව දන්වා සිටී.
මේ වනවිට ප්‍රතිඵල ලේඛන නැවත පරීක්ෂා කිරීම් ආරම්භ කර ඇති බව, එම දෙපාර්තමේන්තුව සඳහන් කළේය.
කෙසේ වෙතත් විශේෂ අවශ්‍යතා ඇති විභාග අපේක්ෂකයින්ගේ පිළිතුරු පත්‍ර ඇගයීම් තවදුරටත් සිදු කෙරෙන අතර, පසුගිය ජනවාරි මස 4 වන දා සිට 30 වන දා උසස් පෙළ විභාගය පැවැත්වූ අතර විභාගය සඳහා පෙනි සිටි අපේක්ෂකයින් සංඛ්‍යාව තුන් ලක්ෂ හතලිස් දෙදහස් අටසිය අසූතුනක් බව සඳහන් වේ.
