කොළඹ LNW: අද (22) රාත්‍රියේ බටහිර අහසේ උල්කාපාත වර්ෂාවක් දැකගත හැකි බව අභ්‍යවකාශ විද්‍යාඥ ,ඉංජිනේරු කථිකාචාර්ය ගිහාන් වීරසේකර මහතා පවසයි.
එය නම් කර ඇත්තේ ලයිරිශ් ලෙසින් බවයි වීරසේකර මහතා සඳහන් කරන්නේ.
”වීනාව” තාරකා රටාව ආශ්‍රිතව දැකගත හැකියි.
පැයකට උල්කාපාත 20ක් දැකිය හැකි වන අතර එය උපරිමයට එන්නේ අද රාත්‍රියේ බව සඳහන්.
කෙසේවෙතත් අද රාත්‍රියේ පූර්ණ චන්ද්‍රයා දැකගත හැකි හෙයින් උල්කාපාත වර්ෂාව දැකගැනීමේ යම් ගැටළුවක් ඇතිවිය හැකි නමුත් එය දැකගැනීමට හොඳම වෙලාව පාන්දර 4-5 අතර බවද වීරසේකර මහතා කියාසිටියි.
කිසිම උපකරණයක් නැතිව පියවි ඇසෙන් බටහිර අහසේ දැකිය හැකි බවත් මෙය හැම වසරකම අප්‍රේල් මාසයේ දැකිය හැකි බවත් ඔහු සඳහන් කරයි.
අවස්ථාව මඟනොහැර විශේෂයෙන් දරුවන්ට මෙය පෙන්වීමට සලස්වන ලෙසයි වීරසේකර මහතා තවදුරටත් පවසන්නේ.
ආශිකා බ්‍රාහ්මණ
