සටහන – නිශ්මං රණසිංහ
අප්‍රේල් 25, කොළඹ (LNW): ඩුබායි හී ක්‍රියාත්මක විසි එක්වන ආසියානු කණිෂ්ඨ මලල ක්‍රීඩා සූරතාවලියේදී,මීටර් 400 මිශ්‍ර සහය දිවීමේ ශ්‍රී ලංකා කණ්ඩායම තමන් සහභාගි වූ මූලික තරඟයේදී දෙවන ස්ථානය දිනා ගත්තා. පළමු ස්ථානය දිනාගන්නට ඉන්දියාවට හැකි වුණා.
ඉන්දියානු මිශ්‍ර සහයදීමේ කණ්ඩායම මෙම තරඟයේදී විනාඩි 03:25.54 ක කාලයක් වාර්තා කළ අතර,ශ්‍රී ලංකා කණ්ඩායම විනාඩි 03:28.41 කාලයකින් තරගය නිම කරමින් දෙවන තැනට පත් වුණා.
වේගවත්ම මීටර් 400 මිශ්‍ර සහය තරගය වූ ශ්‍රී ලංකාව සහභාගි වූ තරගයේ වාර්තා වූ කාලයට වඩා මන්දගාමී වු අනෙක් සහය දිවීමේ තරගයේ කාලය හා සසඳද්දි අවසාන තරගයට සහභාගි වන කණ්ඩායම් අතර ශ්‍රී ලංකාවට පදක්කමක් දිනා ගැනීම සඳහා විශාල අවස්ථාවක් හිමිව තිබෙනවා.
සහය දිවීමේ කණ්ඩායම සහභාගි වූ තරගයේ වීඩියෝව මෙන්ම ශ්‍රී ලංකා කණ්ඩායම සම්බන්ධයක් යොමු වී තිබෙන අවධානය පෙන්වන වීඩියෝවක්ද මේ සමඟ වෙනවා.
