සටහන – නිශ්මං රණසිංහ
මැයි 03, කොළඹ (LNW): විස්සයි විස්ස ලෝක කුසලාන තරගාවලිය නියෝජනය කරන ශ්‍රී ලංකා කණ්ඩායම ශක්තිමත් කිරීම සඳහා යොලෝ,රෙඩ් සහ ග්‍රීන් යනුවෙන් කණ්ඩායම් තුනක් නම් කර ඔවුන් අතර පුහුණු තරග කිහිපයක් පවත්වන්නට ශ්‍රී ලංකා ක්‍රිකට් තීරණය කර තිබෙනවා.එහි පළමු තරගය යොලෝ සහ රෙඩ් කණ්ඩායම් අතර පැවති අතර ලකුණු 25 න් එම තරගය ජය ගන්නට යොලෝ කණ්ඩායම සමත් වුණා.
තරගයේ කාසියේ වාසිය චරිත් අසලංක නායකත්වය දරණ රෙඩ් කණ්ඩායමට හිමි වුණත් පළමුව පන්දුවට පහර දීමට ඔවුන් විසින් යොලෝ කණ්ඩායමට ආරාධනා කරනු ලැබුවා.ඒ අනුව පන්දුවට පහර දුන් යොලෝ කණ්ඩායම වෙනුවෙන් නායක කුසල් මෙණ්ඩිස් පන්දු 50 දී නොදැවී ලකුණු 100 රැස් කර ගත්තා.එයට හයේ පහර හයක් සහ හතරේ පහර හැටක් ඇතුළත් වුණා.කුසල් පන්දු 41 දී ලකුණු 59 ක් රැස් කළ ශෙවොන් ඩැනියල් සමඟ දෙවන කඩුල්ල වෙනුවෙන් ලකුණු 141 සබඳතාවයක් එක් කිරීම කැපී පෙණුනා.ඉණිමේ අවසාන භාගයේදී ඇන්ජලෝ මැතිවිස් පන්දු 9 දී නොදැවී ලකුණු 27 ලබා ගැනීමට සමත් වුණා.
පිළිතුරු ඊණිමට පිවිසි රෙඩ් කණ්ඩායමට ලබා ගැනීමට හැකි වූයේ පන්දුවාර 20 සඳහා කඩුලු 8 ට ලකුණු 200 ක් පමණයි.එහිදී හුදෙකලා සටනක නිරතවෙමින් කමිඳු මෙණ්ඩිස් ලකුණු 82 ක් රැස් කරන්නට සමත් වුණා.එම ලකුණු 82 පන්දු 48 ක් තුළ හතරේ පහර 8 ක් සහ හයේ පහර 4 ක් සමඟින් වාර්තා වුණා.පන්දු යැවිමේදී ප්‍රේමදාස තණතීරුවෙන් උපරිම පල නෙලා ගත් දුනිත් වෙල්ලාලගේ ලකුණු 39 ට කඩුුලු 3 ක් දවා ගන්නට සමත් වුණා.
