ආර්ථික අවපාතයෙන් බ්‍රිතාන්‍යය ගැලවෙයි!

සටහන – රෂිකා හෙන්නායක

මැයි 10, ලෝකය (අවුට්බවුන්ඩ් ටුඩේ): බ්‍රිතාන්‍යය ගෙවී ගිය වසර දෙකක වේගවත් වර්ධනය හේතුවෙන් ආර්ථික අවපාතයෙන් මිදුණු තත්ත්වයකට පත්ව තිබෙන බව එරට මාධ්‍ය වාර්තා කරයි .

අද (10) උදෑසන නිකුත් කෙරුණු නවතම සංඛ්‍යාලේඛන අනුව පෙන්නුම් කෙරෙන්නේ එක්සත් රාජධානිය තවදුරටත් ආර්ථික අවපාතයක නොමැති බවයි.  

එරට ජාතික සංඛ්‍යාලේඛන කාර්යාලය පවසන්නේ , ජනවාරි සිට මාර්තු දක්වා කාලය තුළ බ්‍රිතාන්‍ය ආර්ථිකය 0.6% කින් වර්ධනය වූ බවයි.

පසුගිය වසර දෙක තුළ එරට ආර්ථිකය දුර්වල වර්ධනයකට තල්ලු වී තිබුණු අතර තුන්වන කාර්තුවේදී ආර්ථිකය 0.1% කින් සහ සිව්වන කාර්තුවේදී 0.3% කින් හැකිලීමෙන් පසු 2023 අවසානයේ දී රට අවපාතයකට ඇද වැටුණු බව එරට මාධ්‍ය වාර්තා කරයි.