කොළඹ LNW: සමඟි ජන බලවේගය සහ ජාතික ජන බලවේගය අතර යෝජිත විවාද සම්බන්ධයෙන් අද (27) දින සමඟි ජන බලවේගයේ පාර්ලිමේන්තු මන්ත්‍රී නලින් බණ්ඩාර මහතා විසින් ජාතික ජන බලවේගය වෙත ලිඛිත දැනුම් දීමක් සිදුකර තිබේ.
ඒ අනුව පළමුව ආර්ථික කමිටු විවාදය පැවැත්වීම සඳහා දිනය නම් අකරණ ලෙසයි මන්ත්‍රීවරයා ජාතික ජන බලවේගයෙන් ඉල්ලා සිටින්නේ.
පළමුව ආර්ථික කමිටු විවාදයත් පසුව නායකයින්ගේ විවාදයත් පැවැත්වීමට සමඟි ජන බලවේගය ලෙස ගෙන තිබෙන ස්ථාවරයේ වෙනසක් නැති බවයි ඔහු තවදුරටත් අවධාරණය කරන්නේ.
කෙසේවෙතත් ජාතික ජන බලවේගය අවධාරණය කරමින් තිබෙන්නේ පළමුව නායකයින් දෙදෙනාගේ විවාදය පැවැත්විය යුතු වන බවයි.
ආශිකා බ්‍රාහ්මණ
