අග්‍රාමාත්‍ය මහින්ද රාජපක්ෂ මහතා ඊයේ (24) දිනයේදී අරලියගහ මන්දිරයේ මුළුතැන්ගෙයි කාර්ය මණ්ඩලයට අපූරු කතාවක් කියා ඇති බව අභ්‍යන්තර ආරංචිමාර්ග පවසයි.
මහින්ද රාජපක්ෂ මහතා ඊයේ දිනයේදී අරලියගහ මන්දිරයේ මුළුතැන්ගෙයට ගොස් එහි කාර්ය මණ්ඩලය හමුවී සුහද කතා බහක නිරත වී ඇති අතර එහිදී ඒ මහතා ප්‍රකාශ කර ඇත්තේ එළඹෙන සිංහල – දෙමළ අලුත් අවුරුද්දෙන් පසු, ජුනි 10 වනදාට පෙර නව අග්‍රාමාත්‍යවරයෙකු අරලියගහ මන්දිරයට එනු ඇති බවයි.
තමන්ට සේවය කළාක් මෙන්ම නව අග්‍රාමාත්‍යවරයාටත් ඉතාම හොඳින් සේවය සලසන ලෙස මහින්ද රාජපක්ෂ මහතා එහිදී මුළුතැන්ගෙයි කාර්ය මණ්ඩලයෙන් ඉල්ලීමක් ද කර ඇති බවයි ආරංචිමාර්ග පැවසුවේ.
එමෙන්ම මෙහි කිසිදු දේශපාලන ගැටුමක් නොමැති බවත් නව අගමැතිවරයෙකු පත්වන්නේ රට මේ වනවිට මුහුණ දී සිටින අර්බුදයෙන් බේරාගැනීම සඳහා බවත් අග්‍රාමාත්‍යවරයා පවසා ඇති බව ආරංචිමාර්ග වැඩිදුරටත් ප්‍රකාශ කළේය.
