කොළඹ LNW:මහ බැංකුවේ නිලධාරීන්ගේ වැටුප් වැඩිවීම නීත්යානුකූල නොවන බවට ඒ ගැන විමර්ශනයට පත්කළ කමිටු වාර්තාවෙන් අනාවරණය වන හෙයින් මහ බැංකු අධිපතිවරයා සහ එම නිලධාරීන් සම්බන්ධයෙන් ගනු ලබන පියවර කුමක්ද යන්න පැහැදිලි කරන ලෙස අද (19) පාර්ලිමේන්තුවේදී විමල් වීරවංශ සහ ලක්ෂ්මන් කිරිඇල්ල යන මන්ත්රීවරුන් කථානායකවරයාගෙන් විමසා සිටියහ.
ඒ අනුව උක්ත කාරණා සම්බන්ධයෙන් රංජිත් සියඹලාපිටිය රාජ්ය අමාත්යවරයා හෝ කරුණු පැහැදිලි කළ යුතුව ඇති බවයි වීරවංශ මහතා සඳහන් කළේ.
මහ බැංකුවේ නිලධාරීන් විසින් වැටුප් වැඩිකරගැනීමට අදාළව පාර්ලිමේන්තුවේදී එල්ල කළ චෝදනා අදාළ වාර්තාවේදී ඔප්පු වී තිබෙන අතර මුදල් බලය ඇත්තේ පාර්ලිමේන්තුවට වන හෙයින් ඒ ගැන වගකීමක් පාර්ලිමේන්තුවට ඇති බවයි ලක්ෂ්මන් කිරිඇල්ල මහතා අවධාරණය කළේ.
ආශිකා බ්රාහ්මණ
