ශැංහයි සහයෝගිතා සංවිධාන‍යේ රාජ්‍ය නායක කවුන්සිලයට චීන ජනපති එක්වෙයි!

Date:

කොළඹ LNW:ශැංහයි සහයෝගිතා සංවිධාන‍යේ සාමාජික රටවල රාජ්‍ය නායකයන්ගේ කෘත්‍යධිකාරි කවුන්සිලයේ 24 වැනි සැසිය ඊයේ (04) කසක්ස්ථානයේ අස්තානා අගනුවර දී පැවැත්විණි.

චීන ජනාධිපති ෂී ජින්පිං මහතා එහිදී පෙන්වා දුන්නේ ශැංහයි සහයෝගිතා සංවිධානය ස්ථාපිත කර ගත වූ වසර 23 ක් තුළ එහි සාමාජික රටවල් ගණන 10 ක් දක්වා වැඩි වී ඇති බවයි.

”මෙය මහාද්වීප 3 කට අයත් රටවල් 26 ක් සම්බන්ධ කර ඇත. වර්තමානයේ, විවිධ විපර්යාසයන්ට මුහුණදෙන ගෝලීය මානවයා ඓතිහාසික සංධිස්ථානයකට පැමිණ සිටියි. ඉතිහාසයේ නිරවද්‍යතාව සහ සාධාරණත්වය සහතික කරන මෙම සංවිධානය ලෝකයට සැබැවින් ම වැදගත්” වන බව ද ෂී ජින්පිං මහතා කියා සිටියේය.

”සීතල යුද මානසිකත්වයෙන් එල්ල වන තර්ජන හමුවේ සහයෝගයෙන් යුතුව තිරසර ආරක්ෂාව පිළිබඳ දැක්ම අනුගමනය කළ යුතු ය. සංවාද, සහයෝගිතාව සහ පොදු-ජයග්‍රාහී සංකල්පය තහවුරු කරමින් සංකීර්ණ අභියෝගවලටත්, වෙනස් වන ජාත්‍යන්තර රටාවන්ටත් මුහුණ දිය යුතු ය. විද්‍යා හා තාක්ෂණ අංශවලට ඍජුව බලපාන පරිදි ඇමරිකාව චීනයට එල්ල කරන නිරන්තර බාධා හමුවේ සංවර්ධන අයිතිවාසිකම් ආරක්ෂා කළ යුතුයි” යනුවෙන්ද ෂී ජින්පිං මහතා අවධාරණය කළේය. ‍

මේ අතර බෙදුම්වාදී බලවේග හමුවේ එක්සත්භාවය සහතික කළ යුතු බවද චීන ජනාධිපතිවරයා පවසා ඇත.

2024-2025 ශැංහයි සහයෝගිතා සංවිධානයේ වාරික සභාපතිත්වය චීනය වෙත පැවරීමට ද එහිදී තීරණය කෙරිණ. චීනය එම වගකීම දරන්නේ වසර 7 කට පසුව වීම විශේෂත්වයකි.

දිනූෂි ධීරසිංහ

Share post:

spot_imgspot_img

Popular

More like this
Related

අපේ කරුමයට හේතුව ගණිතය නොදන්නා එවුන් රට පාලනය කිරීමයි – ඩඩ්ලි සිරිසේන

මේ රට මේ තත්වයට අද පත්ව ඇත්තේ ගණිතය නොදන්නා...

අද 10 ට රට වටේම ක්‍රිකට්

නිශ්මං රණසිංහ අගෝස්තු 20, කොළඹ LNW ශ්‍රී ලංකා ක්‍රිකට් ජාතික ගමණ...

Cop30 සමුළුවට පෙර දේශගුණික සැලසුම් ඉදිරිපත් කරන ලෙස බ්‍රසීලය සාමාජික රටවල්වලින් අවසාන වශයෙන් ඉල්ලයි

සටහන: සශිකලා මධුෂාණි අගෝස්තු 20: ලෝකය(අවුට්බවුන්ඩ් ටුඩේ): එළඹෙන නොවැම්බර් මාසයේ...

මෙතෙක් ලංකාවේ නැව්වලට කැසිනෝ බලපත්‍ර දුන්නේ නෑ. අලුත් පනතින් නැව්වලටත් කැසිනෝ බලපත්‍ර ඉල්ලීමේ අවස්ථාව !

අලුතින් පාර්ලිමේන්තුවට ඉදිරිපත් කරන ලද සූදු නියාමන පනත යටතේ...