සටහන – රෂිකා හෙන්නායක ජූලි 08, කොළඹ (LNW):
අද (8දා) හා හෙට (09දා) ඉල්ලීම් කිහිපයක් මුල්කර ගනිමින් රාජ්ය සේවයේ වෘත්තීය සමිති 200කට වැඩි ප්රමාණයක් දෙදින තුළ ලෙඩ නිවාඩු වාර්තා කිරීමේ වෘත්තීය සමිති ක්රියාමාර්ගයක් ආරම්භ කර ඇත .
වෘත්තීය සමිති නායකයෝ පවසන්නේ , අමාත්යාංශ, රෝහල්, පාසල්, තැපැල්, ග්රාම නිලධාරී, සමෘද්ධි, දිස්ත්රික් හා ප්රාදේශීය ලේකම් කාර්යාල ඇතුළු සාමාන්ය ජන ජීවිතයට බලපාන රාජ්ය ආයතන බහුතරයක සේවාවන් වැඩ වර්ජන කාලය තුළ අඩාල වනු ඇති බවයි.
තැපැල්, ග්රාම නිලධාරි, කළමනාකරණ සේවා නිලධාරි, සංවර්ධන නිලධාරි, කාර්යාල කාර්ය සහායක නිලධාරි, සමෘද්ධි නිලධාරි, සෞඛ්ය කාර්ය සහායක නිලධාරි ඇතුළු රාජ්ය සේවය නියෝජනය කරන වෘත්තීය සමිති රැසක් අසනීප නිවාඩු වාර්තා කිරීමේ වෘත්තීය සමිති ක්රියාමාර්ගයට සහාය පළ කරන බව රාජ්ය සේවා වෘත්තීය සමිති සන්ධානයේ සම කැඳවුම්කරු ධම්මික මුණසිංහ මහතා පැවසීය.
ලංකා ගුරු සංගමයේ ප්රධාන ලේකම් ජෝසප් ස්ටාලින් මහතා පවසන්නේ , ගුරු සහ විදුහල්පතිවරු හෙට දින අසනීප නිවාඩු වාර්තා කර මෙම වෘත්තීය සමිති ක්රියාමාර්ගය සමඟ එක්වන බවයි .
