සටහන – රුවන් නෙළුගොල්ල
ජනාධිපති රනිල් වික්‍රමසිංහ මහතාට සහාය පළකරමින් ආණ්ඩුවේ මැති ඇමතිවරුන් විසින් පවත්වන “එක්ව ජයගමු” ජනරැලි මාලාවේ ගාල්ල ජනරැලිය අද (27) පැවැත්වීමට නියමිතව තිබේ.
ඒ අනුව, එම රැලිය අද පස්වරු 02.00 ට ගාල්ල නගරසභා ක්‍රීඩාංගනයේදී ආරම්භ කිරීමට සැලසුම් කර ඇත.
කැබිනට් ඇමතිවරුන්, රාජ්‍ය ඇමතිවරුන් සහ ආණ්ඩු පක්ෂයේ පාර්ලිමේන්තු මන්ත්‍රීවරුන් රැසක් මෙම ජනරැලියට සහභාගී වීමට නියමිත ය.
තමන් 2024 ජනාධිපතිවරණයට තරග වදින බව ජනාධිපති රනිල් වික්‍රමසිංහ මහතා විසින් මෙම ජනරැලියේදී නිල වශයෙන් ප්‍රකාශයට පත්කරනු ඇතැයි දේශපාලන ආරංචිමාර්ග පවසයි. ඒ මහතා වෙනුවෙන් ජනාධිපතිවරණ ඇප මුදල් තැන්පත් කිරීම ඊයේ (26) දිනයේදී සිදුකර තිබිණි.
