රෂිකා හෙන්නායක ජූලි 30, කොළඹ (LNW):
නව මහල් ගොඩනැගිල්ලක ඉදිකිරීම් කටයුතු කරන අතරතුර මොණරාගල දිස්ත්‍රික් මහ රෝහලේ වහලයක් කඩා වැටීමෙන් සිදුවූ අනතුරකින් ළදරුවන් හා මව්වරු කිහිපදෙනෙක් තුවාල ලබා තිබෙන බව වාර්තා වේ.
නව මහල් ගොඩනැගිල්ලට යන්ත්‍රයක් මඟින් කොන්ක්‍රීට් යෙදීමට යාමේදී ඉදිකිරීම් ගොඩනැගිල්ලට යාබඳව පිහිටි ළදරු වාට්ටුවේ වහලය මතට මිශ්‍ර කරන ලද කොන්ක්‍රීට් තට්ටුවක් කඩා වැටීමෙන් ළදරු වාට්ටුවේ වහලය බිඳී ගොස් ඇති බව පැවසේ.
එම අවස්ථාවේ වාට්ටුවේ සිටි ළදරුවන් සහ මව්වරුන් කිහිපදෙනෙකු මතට එම කොන්ක්‍රීට් කඩා වැටී අනතුර සිදුව තිබෙන බව වාර්තා වේ.
අද (30) අද පෙරවරු කාලයේ සිදුවූ මෙම අනතුර හේතුවෙන් මව්වරුන් තිදෙනෙකු සහ ළදරුවන් තිදෙනෙකු පරීක්ෂණ කටයුතු සඳහා අදාළ අංශ වෙත යොමු කිරීමට රෝහල් කාර්යමණ්ඩලය කටයුතු කර ඇත .
අනතුර හේතුවෙන් වාට්ටුවේ සිටි සියලූම ළදරුවන් සහ මව්වරුන් දැනට ඉවත් කර ඇති අතර, ඔවුන් ආරක්ෂිත ස්ථානවලට යොමු කිරීමට කටයුතු කර තිබෙන බව රෝහල් ආරංචි මාර්ග පවසයි.
