රටේ පවතින ආර්ථික අර්බුදය හමුවේ ශ්‍රී ලංකා පොදුජන පෙරමුණු ආණ්ඩුවේ මැති ඇමතිවරුන් රැසකට සිංහල – දෙමළ අලුත් අවුරුද්ද සැමරීම සඳහා සිය ගම්වලට යාමට නොහැකි තත්වයක් උද්ගත වී ඇති බව වාර්තා වේ.
ගමට ගොස් සිය පාක්ෂිකයින්ට මුහුණ දීමට නොහැකි නිසාත් පීඩාවට පත්ව සිටින ජනතාව තමන්ට පහර දෙතැයි යන බිය නිසාත් ඔවුන්ට මෙසේ ගමට යාමට නොහැකි වී ඇති බව සඳහන්.
එමෙන්ම අලුත් අවුරුදු සමයේදී පිටරට සිටින සිය දරුවන් ඇතුළු සමීප ඥාතීන් හමුවීම සඳහා විදෙස්ගත වීමට සැලසුම් කරගෙන සිටි මැති ඇමතිවරුන්ට ද එසේ විදෙස්ගත වීමට නොහැකි තත්වයක් දැන් වනවිට නිර්මාණය වී තිබේ.
ඒ, මේ මොහොතේ ඔවුන් විදෙස්ගත වුවහොත් ඔවුන් රටින් පළාගිය බවට මාධ්‍ය සහ සමාජ මාධ්‍ය ඔස්සේ අනිවාර්යයෙන්ම ප්‍රචාරණය වන නිසාය.
ඒ අනුව ආණ්ඩුවේ මැති ඇමතිවරුන් රැසක් මේ වනවිට කොළඹ පිහිටි තම පෞද්ගලික නිවාස හෝ නිල නිවාසවලට වී කණස්සල්ලෙන් පසුවන බවයි ආරංචිමාර්ග සඳහන් කළේ.
RN