සටහන: සශිකලා මධුෂාණි,
අගෝස්තු 23, ලෝකය (අවුට්බවුන්ඩ් ටුඩේ) : ඉරානයේ මධ්‍යස්ථ මතධාරියකු වශයෙන් සැලකෙන නව ජනාධිපති Masoud Pezeshkian තේරී පත්වීමෙන් පසු මරණීය දණ්ඩනය ඉහල ගොස් ඇති බව වාර්තා වේ.
ජූලි මාසයේදී අවම වශයෙන් පුද්ගලයන් 87 දෙනෙකුට මරණ දණ්ඩනය ලබා දී ඇති අතර මෙම අගෝස්තු මසදී එම සංඛ්‍යාව 29 වශයෙන් සඳහන් වේ. මෙත් සමඟ ඉරානයේ සිරගත කරන ලද කාන්තා අයිතිවාසිකම් ක්‍රියාකාරීන්ගේ ඉරණම පිළිබඳව බියක් පවතී.
ඉරානයේ හිජාබ් නීතිය උල්ලංඝණය කළ බවට අත්අඩංගුවේ සිටියදී මියගිය 22 හැවිරිදි මහ්සා අමිනීගේ මරණයෙන් අනතුරුව රට පුරා කාන්තාව, ජීවිතය, නිදහස යන විරෝධතාවලට සහභාගී ව අත්අඩංගුවේ පසුවන්නන් වෙනුවෙන් මෙම මරණ දණ්ඩනය පනවා තිබේ.
ඒ අනුව, ඉරානයේ මානව හිමිකම් සඳහා වූ මධ්‍යස්ථානය (CHRI) පැවසුවේ දේශපාලන සිරකරුවන් කිහිප දෙනෙකුට ව්‍යාජ චෝද සහ බලහත්කාර පාපොච්චාරණ මත පදනම් වූ දීර්ඝ කාලීන සිරදඬුවම් තුළින් මත පදනම්ව මරණ දණ්ඩනයට ලක්වීමේ අවදානමක් පවතින බවත් කාන්තාවන් විසින් මෙහෙයවන පෙළපාලි නැවත සිදුවීම වැළැක්වීම සඳහා සියලු ආකාරයේ මර්දනයන් ක්‍රියාත්මක කර ඇති බවත්ය.
