සටහන – රුවන් නෙළුගොල්ල
මෙවර ජනාධිපතිවරණයේ තැපැල් ඡන්ද සලකුණු කිරීම සඳහා අද (11) සහ හෙට (12) යන දින දෙකේදී හැකියාව පවතින බව මැතිවරණ කොමිෂන් සභාව පවසයි.
ඒ අනුව, තැපැල් ඡන්දය භාවිතා කිරීමට සුදුසුකම් ලැබූ, පසුගිය සැප්තැම්බර් 04, 05, 06 යන දිනවල තැපැල් ඡන්දය සලකුණු කිරීමට නොහැකි වූ සියලුම රජයේ සේවකයින්ට මේ දෙදින තුළ තැපැල් ඡන්ද සලකුණු කිරීමට හැක.
තම සේවා ස්ථානය පිහිටි දිස්ත්‍රික්කයේ දිස්ත්‍රික් ලේකම් කාර්යාලයේදී හෝ ප්‍රාදේශීය ලේකම් කාර්යාලයට ගොස් ඔවුන්ට තැපැල් ඡන්දය භාවිතා කිරීමේ අවස්ථාව ලැබී ඇත.
මේ දින දෙකේදීත් තැපැල් ඡන්ද භාවිතා කිරීමට නොහැකි වුවහොත් තැපැල් ඡන්දය සඳහා ලියාපදිංචි වූවන්ට නැවත වෙනත් දිනයක් ලබාදීමක් සිදු නොකෙරෙන අතර ජනාධිපතිවරණය පැවැත්වෙන සැප්තැම්බර් 21 වනදා හෝ ඡන්දය භාවිතා කිරීමට නොහැකි වේ.
