කොළඹ LNW:2024 ශ්‍රී ලංකාවේ ජනාධිපතිවරණයේ නීරීක්ෂණ කටයුතු සඳහා මැතිවරණ කොමිෂන් සභාවේ ආරාධනයෙන් මෙරටට පැමිණ සිටින විදෙස් මැතිවරණ කොමිෂන් සභා නියෝජිතයන් සිය කටයුතු ආරම්භ කර තිබෙනවා.
අද (19) කොළඹදී ඔවුන් මාධ්‍ය හමුවක් ද කැඳවමින් පවසා තිබුණේ නිදහස් හා සාධාරණ මැතිවරණ පිළිබඳ අපේක්ෂාවෙන් නිරීක්ෂණයට එක්වන බවයි.
හුවාඩ් තවුෆික් මහතාගේ නායකත්වයෙන් එම කණ්ඩායම ක්‍රියාත්මක වෙන අතර විශේෂයෙන් මාධ්‍ය සමබරව ක්‍රියාකරනු ඇතැයි තම කණ්ඩායම අපේක්ෂා කරන බවද හුවාඩ් තවුෆික් මහතා සඳහන් කර ඇත.
ඒ අනුව බංග්ලාදේශ මැතිවරණ කොමිසමේ නියෝජිතයන්,මාලදිවයින මැතිවරණ කොමිසමේ සභාපතිවරයා මෙන්ම රුසියානු මධ්‍යම මැතිවරණ කොමිසමේ නියෝජිතයන් ද එම නිරීක්ෂණ සඳහා එක්ව සිටිනවා.
මේ වන විටත් ජනාධිපතිවරණ ජන්ද විමසීම සඳහා කටයුතු සූදානම් කර තිබෙන අතර ඊට අවශ්‍ය රාජ්‍ය නිලධාරීන් අනියුක්ත කිරීමේ කටයුතුද සිදුවෙමින් තිබෙනවා.
පූර්ව ප්‍රචාරක කටයුතු අවසන්ව ඇති හෙයින් මැතිවරණ නීති අනුව සියලු දෙනා ක්‍රියා කරනු ඇති බවටද මැතිවරණ කොමිසම විශ්වාසය පළකර තිබෙනවා.
ආශිකා බ්‍රාහ්මණ
