රෂිකා හෙන්නායක ඔක්තෝබර් 02, කොළඹ (LNW):
මෙරට ප්රසිද්ධ සංවිධානාත්මක අපරාධ කල්ලි නායකයෙකු බව කියන සළිදු ගුණරත්න නොහොත් කුඩු සළිදු නැමැති අපරාධ කල්ලි නායකයාගේ ප්රධානතම ගෝලයා ලෙස හැදින්වෙන හපුන්ත්රිගේ දොන් පියුම් හස්තික නොහොත් “පියුමා ” තවදුරටත් රක්ෂිත බන්ධනාගාර ගත කෙරුණු අතර, ඔහු ලබන 16 තෙක් රක්ෂිත බන්ධනාගාර ගත කරන ලෙස කොටුව මහේස්ත්රාත්වරිය නියෝග කළේය.
ඒ සැකකාර පියුම් හස්තික බන්ධනාගාරය විසින් අධිකරණයට ඉදිරිපත් කිරීමෙන් අනතුරුව වන අතර,තම සේවා දායකයාට මීනිමැරුම් වැනි චෝදනා මිස ත්රස්තවාදීමය කටයුතු සඳහා වන චෝදනා යොමු වී නැති බව ඔහුගේ නීතිඥවරයා සඳහන් කළේය.
එබැවින් සැකකරුට ඇප ලබාදෙන ලෙස ඔහු ඉල්ලා සිටි අතර, සැකකරුට එරෙහිව සංවිධානාත්මක අපරාධ ක්රියා සම්බන්ධ චෝදනා ඇති බව, එහිදි අපරාධ පරීක්ෂණ දෙපාර්තමෙහ්න්තුව කියා සිටියේය.
